1. Jiowa a awasélaéchúkich.

Ese fókkun lifilifil aramas.

A awora akkar

o rán wóón meinisin,

Ouraló letipach ren pwapwa.

Atun sa tongei iir mi tekisosson,

Sa áppirú ach Kot pún kich néún kewe.

Semach epwe liwini

ngenikich ach pwúng

Ren ach enletin kirekiréch.

2. Atun sa álisi iir mi osupwang

Sa silei pwe Kot epwe efeiéchú.

Ikaamwo chón ekis,

sa etiwaéchúúr,

Sia ataweei osupwanger.

Sa áppirú ewe fefin Litia,

Lón ach etiwa pwiich kewe lón imwach.

Semach we a silei

ié a áppirú

Lón an féfférún úméúméch.