KWI 117
Mat bwôntù
-
1. Ô Yaweh Nsi, wù Nsi bwôntù,
O nañ mbotni num tshag léʼ!
O làn miagde, ntsin nèn miagde,
Bwôntù ntùm mfaʼ mu fa là.
O ghù kondèn, ndaʼde tshàmndèn,
Nèn ntshùade ze bag béb là.
O kuʼni nebéb yag ghamde,
Bag tshwèt mfaʼ wù bo tsiañde.
-
2. Bag kuʼni neyen yu bwôntù
Num ben tsʼo tshoʼ ntùm njù là;
Yennà tshwèt ntum ntùm yub kuzin
Mba nesoñ mbwô nkùn Nufen.
Yu ntswide Tà, boa ghakwémbwe,
Ntùm ngô nzenze tshwèt mfà ntàm.
Netshoʼ fà ywèt tsho nelàn bag,
Bwôntù tshagde mfaʼ mag fa.
-
3. Nañ mbotni num mag mfaʼ bwôntù
Num fèt tshag, tse nkeʼ, tse ndùb.
Bag bin laʼde tumlam kondèn
Bo mbwô faʼ num njoñ ben fa.
Ntùm ba tunndà, ba ndà ntseʼde,
Ba ntùsô boa ba ndùlaʼ,
Bo ywèt tsho mba bo mbotni mu,
Bag aʼ be ba mfiʼ bwôntù.
(Mbèn ndôde Yobk. 103:10; Mark. 10:18; Gal. 5:22; Ef. 5:9.)