«Мүгәддәс Јазыларын Јени Дүнја Тәрҹүмәси»ндәки чарпаз истинадлар Мүгәддәс Китаб ајәләринин узлашдығыны ҝөстәрир. Бунлар бир ајәни диҝәри илә әлагәләндириб әлавә мәлумат алмағымыза көмәк едир. Сөзүн үстүндәки кичик һәрф сизи чарпаз истинада јөнәлдир. Мүгәддәс Китабын чап нәшриндә сәһифәнин ортасындакы, ја да гырағындакы сүтунда мүвафиг һәрфи тапын вә орада гејд олунан ајәләри ачын. «JW Library^®» тәтбигиндә вә ја jw.org сајтында исә һәмин һәрфин үстүнә басыб чарпаз ајәләри тапа биләрсиниз.

Чарпаз истинадлар сизә нөвбәти вә бундан да артыг мәлуматлары тапмаға көмәк едә биләр:

Паралел һадисә. Истинад ејни һадисәнин баш вердији диҝәр ајәјә јөнәлдә биләр. Мәсәлән, 2 Ишмуил 24:1 вә 1 Салнамәләр 21:1 ајәләринә бахын.

Ситат. Истинад сизә ејни ифадәнин башга һарада јазылдығыны тапмаға көмәк едә биләр. Мәсәлән, Мәтта 4:4 вә Ганунун тәкрары 8:3 ајәләринә бахын.

Пејғәмбәрлијин јеринә јетмәси. Истинад сизә һәр һансы пејғәмбәрлијин неҹә јеринә јетдијини ҝөстәрә биләр. Мәсәлән, Мәтта 21:5 вә Зәкәријјә 9:9 ајәләринә бахын.