Samz 46:1-11
Pou chèf mizisyen-anAn sam sé désandan Kora-a
Sé pou yo chantéʼy èk an vwa ki ho
Sé Bondyé Ki Ka Pwotèkté Nou
46 Sé Bondyé ki tout kouway nou,sé li ki ka pwotèkté nou.
I toujou pwé pou édé lè nou an twaka.
2 Menm si latè-a soukwé,épi sé mòn-an tonbé désann ofon lanmè-a,nou pa kay pè.
3 Menm si lanmè-a gwondé èk tjimé,épi sé ti mòn-an soukwé lè lanmè-a fwapé anlè yo,nou pa kay pè.
4 La ni an lawivyè ki ka mennen lajwa an vil Bondyé-a,plas-la koté Bondyé ki pa ni pyès anhoʼy-la ka wèsté-a, plas-la ki sa li yonn-an.
5 Bondyé ka wèsté an vil sala, pyèsonn pa sa détwiʼy.
Bonnè bonmaten i kay pòté vil-la soukou.
6 Sé nasyon-an ka fè kwi afòs yo pè, gouvèdman yo ka tonbé.Bondyé palé kon an kout loway èk latè-a fonn.
7 Bondyé Senyè-a ki ni tout pouvwa-a la épi nou.Sé Bondyé Jakòb-la ki ka pwotèkté nou.
8 Vini wè sa Bondyé Senyè-a ja fè,bagay ki ja fè jan latè-a wèsté bouch gwan ouvè.
9 I ka doubout ladjè toupatou an latè-a,
i ka kasé sé bannza-a, i ka détwi sé pitjèt fè-a yo ka sèvi pou goumen-an,èk i ka bwilé sé kawòs ladjè-a.
10 I di, “Doubout goumen èk sav sé mwen ki Bondyé.
Sé mwen ki anho tout sé nasyon-anèk sé mwen ki anho tout latè-a.”
11 Bondyé Senyè-a ki ni tout pouvwa-a la épi nou.Sé Bondyé Jakòb-la ki ka pwotèkté nou.
