Joel 3:1-21
3 «¡Laguuyaʼ! Lu ca dxi ca ne lu ca tiempu ca,ora gudxiguetaʼ ca binni de Judá ne Jerusalén ni gunaazeʼ ca enemigu,
2 laaca zucaasaaʼ guiráʼ ca guidxi roʼ cane zuneʼ guiétecabe ndaaniʼ valle* stiʼ Jehosafat.*
Racá zuneʼ juzgar laacabepur ni bíʼnicabe guidxi ne herencia stinneʼ, Israel.
Purtiʼ bichechendase ca guidxi roʼ riʼ laacabe lade xcaadxi guidxi roʼne gudiizicabe layú stinneʼ lúcabe.
3 Purtiʼ bilaacabe suerte* para quíʼzicabe ca binni xquidxeʼ lúcabe;bitoocabe ti hombrehuiiniʼ para quíxecabe ti prostitutane ti dxaapahuiiniʼ para sícabe vinu ni guécabe.
4 Ne laatu, Tiro ne Sidón ne guiráʼ ca lugar stiʼ Filistea,¿tu nácatu pue?
¿Nuu xi pur cuquíxetu ni naa la?
Pa cuquíxetu ni naa pur xiixa la?
ti ratuhuiiniʼ si ne nagueendaca laca íquetu gusabaʼ ni nuutu guquíxetu naa ca.
5 Purtiʼ laatu maʼ zinetu plata ne oro stinneʼne maʼ guluutu ca tesoro jma risaca stinneʼ ndaaniʼ ca templu stitu.
6 Ne maʼ bitooto ca binni de Judá ne Jerusalén lu ca griegupara guxhéletu laacabe de xquídxicabe.
7 Ne yanna, naa zedaniáʼ laacabe de lugar ra bitooto laacabe,ne zuneʼ guiaba laca íquetu ni nuutu guquíxetu ca.
8 Ne zutuaaʼ ca xiiñitu hombre ne ca xiiñidxaapatu lu ca binni de guidxi Judá,ne laacabe zutoocabe laacaʼ lu ca hombre de Saba,* ti guidxi ni nuu zitu,purtiʼ Jehová peʼ nga maʼ guníʼ ni.
9 Lachitidxi ndiʼ binni ndaaniʼ ca guidxi roʼ ca:
“¡Lachuu listu para chetu lu guerra!* ¡Lagucuaaniʼ ca hombre nadipaʼ stitu!
¡Guidxiña guiráʼ ca soldadu! ¡Guzulú sácabe!
10 Laguni ca aradu* stitu espada ne ca gudxiú ni rugánetu lubáʼ uva* laguni cani lanza.
Guiníʼ hombre ni qué gapa stipa: «Nacaʼ ti hombre nadipaʼ».
11 ¡Laatu, ca guidxi roʼ ni nuu gaxha, guiráʼ xixetu, latáʼ ne lagacanesaa! ¡Lagaca tobi si!”».
Dios, Jehová, gundeteʼ ejércitu* stiluʼ lugar ca.
12 «Guibani ca guidxi roʼ ca ne quíbacabe lu valle* stiʼ Jehosafat.
Racá zabieeʼ para guneʼ juzgar guiráʼ ca guidxi roʼ ni nuu gaxha.
13 Lagutiidiʼ hoz, purtiʼ maʼ nagüí cosecha.
Laguiete ne laguxhatañee cani, purtiʼ maʼ dxátipa lagar* stiʼ vinu.
Dede caxii vinu daʼ ndaaniʼ ca tina stiʼ ca lagar, purtiʼ guizáʼ maʼ bidale ca cosa malu stiʼ ca guidxi roʼ ca.
14 Nuu stale peru stale binni ndaaniʼ valle* stiʼ Decisión,purtiʼ maʼ gaxha nuu dxi stiʼ Jehová ndaaniʼ valle stiʼ Decisión.
15 Zacahui gubidxa ne elabeeune qué zahuinni biaaniʼ stiʼ ca beleguí ca.
16 Dede Sion zaguubeedxeʼ Jehová,*zandísabe stídxibe dede Jerusalén.
Ne zaniibi guibáʼ ne guidxilayú;peru zaca Jehová ti lugar para guilá xquidxi,ti lugar nadipaʼ para guidxi Israel.
17 Ne laatu napa xidé gánnatu naa nga Jehová Dios stitu; naa nabezaʼ Sion, dani santo stinneʼ.
Zaca Jerusalén ti lugar santo,ne maʼ qué ziuuruʼ dxi guibiguetaʼ tidiʼ binni ni qué runibiaʼtu* ndaanini.
18 Ne dxi ca, zusaba ca dani ca gota vinu nanaxhi,lu ca danihuiiniʼ ca zuxooñeʼ lechene zuxooñeʼ nisa ndaaniʼ guiráʼ ca neza ra ridiʼdiʼ nisa stiʼ Judá.
De ra lidxi Jehová zandani ti nisa ni zuxooñeʼne zuzeeni valle* stiʼ ca Acacia.
19 Peru zaca Egipto ti lugar ra guirutiʼ tu zabezane zaca Edom ti desiertu ra guirutiʼ tu zabezapurtiʼ bininácabe ca binni de guidxi Judá,layú ra biiticabe* binni ni qué gapa donda.
20 Peru Judá ne Jerusalén la? qué zusaana de cueza binni ndaanicani,biaʼ guiráʼ generación ni guibani despué.
21 Zuuyaʼ laatu casi binni* ni qué gapa donda, neca dxiqué qué ñuuyaʼ laatu casi binni ni qué gapa donda.
Ne zabeza Jehová Sion».
Nota
^ Laani nga ti lugar ra napampa ni nuu lade dani.
^ Riníʼ lá riʼ “Jehová nga juez”.
^ O «Seba».
^ O «Lacueechú para Dios ti guerra».
^ Lit. «cabu stiʼ aradu».
^ O «podadera».
^ O «ca ni napa poder».
^ Laani nga ti lugar ra napampa ni nuu lade dani.
^ O «lugar ra napampa».
^ O «nadipaʼ zucaa Jehová ridxi».
^ O «binni de sti guidxi».
^ Raríʼ caniʼni de ti neza nisa.
^ Lit. «bixhiicabe rini stiʼ».
^ Lit. «rini stitu casi».
