M’Baibulo mwana yisyasyo yejinji yakulosya kuti Yehofa jwajangaga mapopelo ga ŵandu. Ŵakutumichila ŵa Yehofa paŵayiwonaga yaŵatendaga Yehofa pakwanga mapopelo gawo yakamuchisyaga kola chikulupi chakulimba. Myoyo patukupopela tusaleje yatukusaka mwangapita mumbali soni tuloleje yakuti Yehofa pakwanga mapopelogo. Tukumbuchileje kuti Yehofa mpaka ajanje mapopelo getu m’litala lyele nganitujembecheyaga. (2Ak 12:7-9; Aef 3:20) Ana Yehofa mpaka ajanje mapopelo getu m’matala gapi?

• Jwalakwe akusatukamuchisya kupilila yakusawusya yatukusimana nayo.—Afi 4:13

• Akusatupa lunda lwakutukamuchisya kuti tusagule chenene.—Yak 1:5

• Akusatupa machili soni mtima wakusaka kutenda yakumsangalasya jwalakwe.—Afi 2:13

• Akusatupa mtendele wa mumtima patukulagasika nganisyo.—Afi 4:6, 7

• Akusakamulichisya masengo achalongo achimjetu kuti atulimbikasye soni kutupa yatukusosechela.—1Yo 3:17, 18

• Akusatutendekasya kuti twakamuchisye ŵandu ŵatukusitwapopelela.—Mas 12:5, 11

ALOLELE FIDIYO JAKUTI YEHOFA ALI “ŴAKUPIKANA LIPOPELO,” KANEKO AJANJE YIWUSYO AYI:

• Naga ngatukutenda yejinji ligongo lyakuti tukulwala, ana yaŵasimene nayo m’bale Shimizu mpaka yitukamuchisye wuli?

• Ana mpaka tukuye chamtuli chisyasyo cha m’bale Shimizu?