“E mole pe he folafola e tahi i te u folafola lelei ae nee fai kia koutou e [Sehova], tokotou Atua, nee mole hona fua.”—SOSUE 23:14.

HE KO’Ē ʼE MAKEHE IA TE TOHI-TAPU? Talu mai fualoa, neʼe tautau fai e ʼihi ni fakakikite neʼe mole faʼa mahino lelei pea neʼe mole tuha mo te falala, pea ʼe toe fēia mo te ʼu horoscopes ʼi te temi nei. Iā ʼaho nei, ʼe toe faigaʼi e ʼihi ke natou tala fakatomuʼa ni ʼaluʼaga kā hoko anai ʼi te kā haʼu. Kae ʼe mole tatau ia mo te ʼu lea fakapolofetā ʼo te Tohi-Tapu, heʼe mahino gafua pea mo hoko tuʼumaʼu pē ia tatau aipē pe neʼe kua fualoa tona fakahā.—Esaia 46:10.

HE FAʼIFAʼITAKI: ʼI te ʼu taʼu 500 I.M.T.S., a neʼe sio ia te polofetā ko Taniela ki te meʼa neʼe fakakikite ʼo ʼuhiga mo te vave ʼaē ʼo te mālo ʼo te Puleʼaga ʼo Sava ʼaē ʼe fakaʼuhiga ki Keleka ʼi te Puleʼaga ʼo Meti mo Pelesi. Neʼe toe fakakikite foki, ko te temi pē ʼaē kā liliu ai te hau ʼo Keleka “o malohi,” pea ʼe gata ai anai tana pule. Ko ai ʼaē kā ina fetogi anai te Hau ʼaia? Neʼe tohi e Taniela ko te ʼu puleʼaga e fā “e hohomo ake anai o fetogi te puleaga aena, kae e mole natou mau anai te malohi o te uluaki puleaga.”—Taniela 8:5-8, 20-22.

TE TALAMANATU ʼA TE KAU FAI HISITOLIA: Hili taʼu e 200 tupu ki te temi ʼo Taniela, neʼe fakanofo ia Alesatelo Lahi ko te hau ʼo te puleʼaga ʼo Sava. Lolotoga ia taʼu e hogofulu, neʼe ina tauʼi ia te puleʼaga mālohi ʼo Meti mo Pelesi pea mo fakalahi te ʼu tuʼakoi ʼo tona puleʼaga ʼo aʼu ki te vaitafe ko Indus (ʼi te temi nei ko Pakisitani). Kae neʼe mate fakapunamaʼuli ʼi tona taʼu 32. Pea neʼe tō leva tona puleʼaga ʼi te tau ʼaē neʼe hoko ʼi Ipsus ʼi Asia veliveli. Neʼe vaevae e te ʼu senelale e fā ia te puleʼaga ʼaia ʼo Sava. Kae neʼe mole ʼi ai he tahi iā nātou neʼe ina maʼu leva te mālohi takitaki ʼo Alesatelo.

KOTEĀ TAKOTOU MANATU? ʼE maʼu koa he tahi age tohi ʼe ina fai ia he ʼu lea fakakikite neʼe hoko moʼoni, peʼe gata pē ia ki te Tohi-Tapu?

[Nota]

[Fakamatala ʼo te pāsina 4]

“ ʼI te lahi ʼo te ʼu lea fakapolofetā ʼi te Tohi-Tapu ʼaē neʼe hoko, ʼe mole feala ke tou ʼui neʼe hoʼi hoko fēia pē.”—A LAWYER EXAMINES THE BIBLE, BY IRWIN H. LINTON

[Haʼuʼaga ʼo te paki ʼo te pāsina 4]

© Robert Harding Picture Library/SuperStock