Kotea ʼAe ʼe Ui ʼi Te Tohi-Tapu?
Kotea ʼae ʼe hoko moka tou mamate?
KO ʼIHI HAHAʼI ʼE NATOU TUI ʼe hoko atu te maʼuli ʼi he tahi potu. Ko ʼihi ʼe natou manatu, ka mate he tahi ʼe mole toe hoko atu tona maʼuli. Kotea la tau ia manatu?
ʼE UI ʼI TE TOHI-TAPU
“E mole iloi he mea e natou ae kua mate.” (Ekelesiasi 9:5) Ka tou mamate, ʼe mole kei tou iloʼi he meʼa.
KOTEA ʼAE ʼE TOE UI ʼI TE TOHI-TAPU?
ʼI te mate ʼa te ʼuluaki tagata, ia Atama, neʼe toe liliu ki te efu. (Senesi 2:7; 3:19) ʼO toe feia pe, ko natou fuli ʼae kua mamate, ʼe natou toe liliu ki te efu.—Ekelesiasi 3:19, 20.
Ko te hahaʼi ʼae kua mamate kua natou ʼateaina, ko tona fakaʼuhiga kua fakamolemole ʼanatou agahala. (Loma 6:7) Hili te mate ʼa he tahi, ʼe mole kei tuʼā ki ʼana agahala.
ʼE toe maʼuʼuli ake anai koa te kau mate?
KOTEA TAU MANATU?
ʼEi
ʼOho
Mahalo pe
ʼE UI ʼI TE TOHI-TAPU
“E i ai anai he toe tuuake.”—Gaue 24:15.
KOTEA ʼAE ʼE TOE UI ʼI TE TOHI-TAPU?
ʼI te Tohi-Tapu ʼe fakatatau te mate ki te moe. (Soane 11:11-14) ʼE feala ki te ʼAtua hana fafagu te kau mate, ohage pe ko hatatou lava fafagu he tahi ʼe moe.—Sopo 14:13-15.
ʼE lahi te ʼu fakamatala ʼe tou maʼu ʼi te Tohi-Tapu ʼo te hahaʼi neʼe fakatuʼuake, pea ʼe fakamalohiʼi ai tatatou tui ʼo ʼuhiga mo te fakatuʼuake.—1 Hau 17:17-24; Luka 7:11-17; Soane 11:39-44.