Nu waanna biiroy deˈiyoy Amarkkaana. Gidikkokka, kaallidi deˈiyaabatu gaasuwan nuuni Amarkkaappe yiida cita gidokko:

•   Issoti issoti he citay issi haymaanootiyaa aggidi kiyida citaa yaagidi birshshoosona. Yihoowa Markkatu haymaanootee issi haymaanoote citaa aggidi kiyidabaa gidenna. Hegaappe, nuuni koyro xeetu layttan deˈiyaageeti kaalliyo Kiristtaane ammanuwaa zaaretti essidabadan qoppoos.

•   Yihoowa Markkati 230ppe dariya biittatun minnidi sabbakoosona. Nuuni deˈiyo biittay awa gidikkokka, nu ammanettidaageeta gidiyoy Amarkkaa kawotettaassi woy hara asa kawotettaassi gidennan, Xoossaa Yihoowassanne Yesuus Kiristtoosassa.—Yohaannisa 15:19; 17:15, 16.

•   Nu timirttee ekettidoy Amarkkan deˈiya issi issi haymaanootiyaa kaalettiyaageeti xaafidobaappe gidennan Geeshsha Maxaafaappe.—1 Tasalonqqe 2:13.

•   Nuuni kaalliyoy Yesuus Kiristtoosa, asa oonanne kaallokko.—Maatiyoosa 23:8-10.