‘Keerettida Wodee’ Matattiis

YESUUSI erissiyo ashkkarati Imbbaaqoomaagaadan, tuggay xayin beꞌanau amottidosona. Xoossaa Kawotettay saꞌaa hanotaa waatidi giigissanaakko tamaari simmidi, eti Yesuusa: “Hegee aude hananaakko, nuuyyo odarkkii; qassi [Kawotettaa maatan] ne yuussaayyoonne wodiyaa wurssettaayyo malaatai aiba gidanee?” yaagidi oychidosona. (Maatiyoosa 24:3) Yesuusi etau, Kawotettay saꞌaa muleera haaranaadan keerettida wodee doommanay awudekko Xoossaa Yihoowa xallay eriyoogaa yootiis. (Maatiyoosa 24:36; Marqqoosa 13:32) Gidikkokka, wodee matattidoogaa erissiya, hananau deꞌiya issi issibata Yesuusinne harati kasetidi odidosona.—Ushacha baggan deꞌiya saaxiniyaa xeella.

Ha hanotati ha wodiyan meeze gididabata gidiyoogaa maayikkii? Mishiraachuwaabaa tamaarissiyoogee kumetta saꞌan polettanaagaakka Yesuusi yootiis. I: “Asa ubbau markka gidana mala, kawotettaa wonggeliyaa mishiraachchoi sa7a ubban odettana; hegaappe guyyiyan, wurssettai gakkana” yaagiis.—Maatiyoosa 24:14.

Hegee ha wodiyan polettiiddi deꞌiyaaba. He oosuwaa oottiyaageeti Yihoowa Markkata. Laappun miilooniyaappe dariya Yihoowa Markkati, 236 gidiya biittatun Xoossaa Kawotettay oottanabaa asau yootiiddi deꞌoosona; Xoossay kessido geeshsha maratuura asay moggidi deꞌanaadan eti maaddiiddi deꞌoosona; Xoossay tuggaanne waayiyaa xayssanau koyees. Xoossaa Kawotettaabaa tamaariyoogaa aggoppa; yaatikko tuggay xayido alamiyan merinau deꞌiyo hidootaa demmaasa.

[Sinttaa 8n deꞌiya misiliyaa]

Wurssetta Gallassaabaa Yootiya Xiqiseta

[Picture on page 8]

MAATIYOOSA 24:6, 7; AJJUUTAA 6:4

• Wolqqaama olaa

MAATIYOOSA 24:7; MARQQOOSA 13:8

• Wolqqaama biittaa qaattaa

• Koshaa

LUQAASA 21:11; AJJUUTAA 6:8

• Wurssiya harggiyaa

MAATIYOOSA 24:12

• Makkalay dariyoogaa

• Siiqoy irxxiyoogaa

AJJUUTAA 11:18

• Saꞌaa xayssiyoogaa

2 XIMOOTIYOOSA 3:2

• Miishshaa keehi siiqiyoogaa

• Yelidaageetussi azazettennaagaa

• Ba huuphiyaa keehi siiqiyoogaa

2 XIMOOTIYOOSA 3:3

• Siiqoy baynnaagaa

• Asay sigettennaagaa

• Ubba asay bana naagennaagaa

• Loꞌꞌobaa dosenna hanotay dariyoogaa

2 XIMOOTIYOOSA 3:4

• Xoossaappe aattidi ufayttiyoobaa dosiyoogaa

2 XIMOOTIYOOSA 3:5

• Daroti qooreppe qommon banttana Kiristtaane giyoogaa

MAATIYOOSA 24:5, 11; MARQQOOSA 13:6

• Wordduwan hananabaa yootiya daroti deꞌiyoogaa

MAATIYOOSA 24:9; LUQAASA 21:12

• Tumu Kiristtaanetu bolli yedetay gakkiyoogaa

MAATIYOOSA 24:39

• Geeshsha Maxaafay akeekissiyoobaa asay siyennaagaa

[Sinttaa 8n deꞌiya misiliyaa]

Yihoowa Markkati saꞌa yuushuwan Xoossaa Kawotettaabaa harata tamaarissoosona