Naaˈˈantto Yelettiyoogaa—Ay Keenaa Koshshiyaabee?

YESUUSI Niqoodimoosaara haasayido haasayaa wurssana gakkanaashin, naaˈˈntto yelettiyoogee keehippe koshshiyoogaa qonccissiis. Hegaa waatidi qonccissidee?

Yesuusi Niqoodimoosaara haasayido haasayan naaˈˈantto yelettiyoogee keehippe koshshiyoogaa qonccissidoogaa hassaya. I: “Ooninne naa77antto yelettana xayikko, Xoossaa kawotettaa be7anau danddayenna” yaagiis. (Yohaannisa 3:3) “Xayikko” giyaanne “danddayenna” giya qaalati naaˈˈantto yelettiyoogee koshshiyaaba gidiyoogaa akeekissoosona. Hegaa leemisuwan yootanau:  Issi uri, “Away kiyana xayikko, gallassa pooˈoy deˈana danddayenna” yaagiyo wode, away kiyiyoogee gallassa pooˈuwau keehippe koshshiyaaba gidiyoogaa yootana koyiis. Hegaara issi mala hanotan, naaˈˈantto yelettiyoogee Xoossaa Kawotettaa beˈanau keehippe koshshiyaaba gidiyoogaa Yesuusi yootiis.

Wurssettan, he allaalliyaa xeelliyaagan denddiya ayba sireenne deˈennaadan koyidaba milatiya ogiyan, Yesuusi: “Intte naa77antto yelettanau bessees” yaagiis. (Yohaannisa 3:7) Yesuusi yootidobaappe akeekiyoogaadan, issi uri “Xoossaa kawotettaa gelanau” naaˈˈantto yelettiyoogee koyettiyaabanne bessiyaaba.—Yohaannisa 3:5.

Naaˈˈantto yelettiyoogaa Yesuusi keehippe koshshiyaaba oottidi xeellido gishshau, Kiristtaaneti ha allaalliyaa loyttidi eriyaakkonne akeekana koshshees. Leemisuwau, issi Kiristtaanee naaˈˈantto yelettanau doorana danddayees gaada qoppay?

[Sinttaa 5n deʼiya misiliyaa qonccissuwaa]

“Away kiyana xayikko, gallassa pooˈoy deˈana danddayenna”