WOCHCHIYO KEELAA—XANNAꞌIYOGAA Usuppune 2015
Ha maxeetiyan Hosppune6ppe Uddufune 3, 2015 gakkanaassi xannaꞌiyo huuphe yohoti deꞌoosona.
Jaappaane Asaa Ufayssida Imotaa
“Geeshsha Maxaafaa—Maatiyoosi Xaafido Wonggeliyaa” giyo ooratta maxaafay Jaappaane doonan kiyiis. He maxaafan aybi aybi deꞌii? Hegaa giigissidoy aybissee?
Yesuusadan Ashkkenne Qarettiyaagaa Gida
1 PHeexiroosa 2:21y nuuni Yesuusa leemisuwaa kaallanaadan zorees. Nuuni nagarancha gidikkonne, waanidi Yesuusaagaadan nu huuphiyaa kawushshananne qarettana danddayiyoo?
Yesuusadan Xalanne Akeekancha Gida
Geeshsha Maxaafan xaafettidabaappe Yesuusi oonakko eroos. A xalatettaanne a akeekaa leemisuwaa nuuni waatidi loytti kaallana danddayiyaakko ane beꞌa.
Mishettada Haggaaziyoogaa Aggoppa
Mishiraachuwaa yootiyoogee ha wodiyan oottiyo ay oosoppenne gita gidiyoogaa eroos. Nuuni aggennan, ubba keehi mishettidi sabbakanawu aybi maaddii?
Yihooway ‘Tamaarissiyoobawu’ Asay Giigettanaadan Maaddiyoogaa
Koyro xeetu layttaa Kiristtaaneti mishiraachuwaa waatidi loytti sabbakidonaa? Asi deꞌido hara wodiyaappe aaruwan koyro xeetu layttay mishiraachuwaa sabbakanawu injjetanaadan oottidabi ayba gidanee?
Kumetta Saꞌan Tamaarissanaadan Yihooway Kaalettees
Yihoowa Markkati kumetta saꞌan mishiraachuwaa loytti yootanaadan maaddida, mata wodiyan alamiyan hanidabay aybee?
Nabbabiyaageetu Oyshaa
SHittoynne hegaa malabay sawiyo wode sahettiya ishatanne michota maaddanawu ay oottana danddayiyoo? Issi Yihoowa Markkiyaa huuphiyaa kammana koshshiyoy awudee?
NU TAARIKIYAAPPE
“Keehi Dumma Wode”
Xiyoona Wochiyo Keelay Kiristtoosa Hayquwaa Hassayiyo wodiyaa “keehi dumma wode” yaagiis; qassi he maxeetiyaa nabbabiyaageeti he baalaa bonchanaadan minttettiis. Kase deꞌida ishati Godaa Kahuwaa waati bonchidonaa?
