BEEGOTTITE! Paydo 1 2025 | Ubbabay Taallettiyogaa Waati Genccanee?
Ubbabay alꞌꞌi alꞌꞌi biyogan unꞌꞌettadii? Deꞌuwawu koshshiyabaa kunttanawu kaseegaappe daro saatiya oottay? Ne siiqiyogeetuura aattiyo wodee guuxxidee? Yaatikko, ha Beegottite! maxeetiyan deꞌiya huuphe yohoti nena maaddana danddayoosona. Hegeeti neeni ne deꞌuwan kaseegaappe aaruwan ufayttanaadan, qassi darin unꞌꞌettennaadan maaddiyabaa yootoosona. Wurssetta huuphe yohoy sinttappe loꞌꞌo wodee yaanaagaa ammanttiya hidootaa yootees; hegee ha wodiyankka nena minttettana danddayees.
Hanotaa Ammana Ekka
Ubbabay taallettennaadan neeni teqqana danddayennaagaa ammana ekkiyogee, ne hanotay kaseegaappe giiga gidanaadan maaddana danddayees.
Ne Miishshaa Eratettan Goꞌetta
Ne miishshaa eratettan goꞌettanawu maaddiya, miishshaa qoraphphiyo ichchashu ogeta akeeka.
Deꞌiyaban Ufaytta
Demmiyo guuttaban waani ufayttidi deꞌana danddayiyakko beꞌa.
Haratuyyo Keha
Haratuyyo kehiyogee neeni ikkonoomiya metuwa genccanaadan waati maaddii?
Loꞌꞌobaa Hidoota
Geeshsha Maxaafay sinttappe loꞌꞌobay yaanaagaa ammanttiya hidootaa yootees; he hidootay ha wodiyankka nena minttettana danddayees.
Gujjada Era
Geeshsha Maxaafay ubbabay taallettiyogaa genccanaadan darota maaddiiddi deꞌees. I nenakka maaddana danddayees.
