OSAPI YO KOÑOÑO | VELIE OLOMBANGI VIA YEHOVA?
Olombangi Via Yehova Via Tuwa Ndati?
Etu tua tiamẽla kocisoko cimue ci sangiwa voluali luosi okuti ca litepa latavo akuavo. Ndaño okuti ombala yetu yi sangiwa ko Estados Unidos, pole onepa yalua Yolombangi Via Yehova vi kasi kolofeka vikuavo. Omo liaco, ci soka olohuluwa ecelãla, tua siata oku longisa Embimbiliya kueci ci pitãhala 230 kolofeka. Poku ci linga tu tẽlisa olondaka via Yesu viokuti: “Ondaka eyi yiwa yusoma yi kundilua kuoha koluali, ha yi lingi uvangi kolofeka viosi.”—Mateo 24:14.
Kovitumãlo viosi tu sangiwa, tua siata oku pokola kovihandeleko. Handi vali tu likolisilako oku yuvula oku panga onepa ko pulitika. Tu ci linga momo tua kapako olondaka Yesu a sapuila Akristão okuti: “Havakualualiko.” Omo liaco, ka tu pangi onepa kovopange o pulitika ale oku kuatisa kuyaki. (Yoano 15:19; 17:16) Vokuenda Kuyaki wavali wa pita Voluali, Olombangi Via Yehova via kapiwa vokayike, via talisiwa ohali kuenda oku kangisiwa omo lioku li kala oku panga onepa koluali. Ulume umue wa kala ombisipu ko Alemanya wa soneha ndoco: “Kocita catatu ovo lika ka va yonguile oku panga onepa ko pulitika.”
“[Olombangi Via Yehova] vi sanjukila oku lekisa ovituwa viwa. Etu nda tua sanjukila oku talavaya lomanu vaco ka va kuete onya kovitumalo via velapo vio pulitika pole, lalimue eteke tu ka sanga omanu va kuete ovituwa evi povitumalo viaco. . . . Ovo va kapako olombiali vio koloneke vilo pole va kũlĩha okuti Usoma wa Suku owo lika u ka potolola ovitangi viosi viomanu.”—Ukanda wasapulo Nová Svoboda wo kofeka yo República Tcheca.
Ndanõ ndoco, ka tu sipo oku linga ukamba lavakuetu. Catiamẽla kolondonge viaye, Yesu wa likutilila ku Suku hati: “Si pingi okuti o vopa voluali.” (Yoano 17:15) Omo liaco, ove o pondola oku tu mola kovopange, povitanda kuenda kolosikola ku sangiwa omanu vakuavo.
Ove o ka ci Sola
APULILO ATAMBULUIWA LEMBIMBILIYA
Usoma wa Suku Nye?
Kũlĩhĩsa esunga lieci uviali wa Suku wa velelapo ovosoma osi omanu.
APULILO A SIATA
Momo Lie Olombangi Via Yehova ka vi Pangela Onepa Kopulitika?
Anga hẽ ovio vi koka ohele kofeka yosi?
UPANGE WOKU KUNDA
Olombangi Via Yehova Via Kuata Alivokiyo Okaliye
Toke kosaĩ Yenyenye yunyamo wo 2014, kua kala eci cipitãhala 8 kolohulukaĩ Violombangi Via Yehova. Etendelo liavo lia siata oku livokiya ndati tunde Kuyaki Watete wa Pita Voluali?
