Omanu valua kolonepa viosi violuali, va kasi lekambo liokulia kuenda ka va kuete ocitumãlo coku kala. Vamue va sukila elavoko liokovaso yoloneke. Ndamupi alikolisilo etu oku kuatisa omanu vaco, ci tu kokela oku taviwa la Suku loku tambula asumũlũho aye?

“U o linga olosuke ohenda wondika Yehova, kuenje Yehova u tiuwila oviali viaye.”—OLOSAPO 19:17.

Yesu wa ta olusapo watiamẽla kulume umue wa lisanga lovingumba okuti vio punda loku u tipula kuenda vo sia okuti wa ambuka. (Luka 10:29-37) Ulume umue ocingendeleyi wa talama kuenje wa tata ulume wa lemehĩwa calua. Eye wa ci linga ndaño okuti watiamẽlele kofeka yiñi.

Ulume waco ukuahenda, ka tatele lika apute aye loku eca ekuatiso a sukilile, pole, wo lembelekavo loku tepulula esumuo liaye.

Nye tu lilongisila kolusapo olu? Yesu wa kala oku lekisa okuti tu sukila oku linga eci ci tava, oco tu kuatise vana va suka. (Olosapo 14:31) Ovisonehua vi Kola vi tu longisa okuti Suku ndopo o ka malako uhukũi kuenda ohali. Pamue tu lipula ndoco, ndamupi Suku a ka ci linga kuenda otembo yipi? Ocipama ci kuãimo ci ka lombolola asumũlũho ululiki ukuacisola a ku likuminya.