Yehosua la Salomone va popele okuti kolohuminyo via Yehova layimue ondaka ya kambapo. (Yeh. 23:14; 1 Olos. 8:56) Uvangi wa eciwa lolombangi evi vivali, u tu kuatisa oku pamisa ekolelo lietu.—2 Va Kor. 13:1; Tito 1:2.

Yehova wa tẽlisa ndati olohuminyo viaye koloneke via Yehosua? Kumue lepata liove, tali ovideo yondalama losapi hati: ‘Layimue Ondaka ya Kambapo.’ Noke konomuisi apulilo a kuãimo: (1) O pondola oku setukula ndati ongangu yekolelo ya Rahava? (Va Hev. 11:31; Tia. 2:24-26) (2) Ulandu wa Akani u lekisa ndati okuti esino li koka ovitangi? (3) Ndaño okuti alume vo ko Giveone va kala vakuavita, momo lie va kembela Yehosua loku linga ombembua la va Isareli? (4) Olondaka via Yehova via tẽlisiwa ndati eci olosoma vitãlo via va Amori via saluisa va Isareli? (Yeh. 10:5-14) (5) Nye Yehova a pondola oku ku lingila nda wa pitisa kovaso Usoma, lesunga liaye?—Mat. 6:33.

Osimbu tu sokolola ovina viosi Yehova a linga, levi a siata oku linga kuenda evi a ka linga, ekolelo lietu kolohuminyo viaye li pamisiwa.—Va Rom. 8:31, 32.