Seta screen reader

Hlawula ririmi

Yana enxaxamelweni wa vumbirhi

Nghena endzeni

Timbhoni Ta Yehovha

Xitsonga

Broxara Leyi Humesiweke Hi Tindzimi To Tala Leyi Nga Ni Swifaniso Leswi Dyondzisaka

Broxara Leyi Humesiweke Hi Tindzimi To Tala Leyi Nga Ni Swifaniso Leswi Dyondzisaka

Odval u tshama eMongolia. A nga tiyiseki leswaku u ni malembe mangani kambe u ehleketa leswaku u velekiwe hi 1921. Loko a ha ri ntsongo, a khathalela swifuwo swa ka vona naswona u lo nghena xikolo lembe rin’we ntsena. A nga koti ku hlaya. Hambiswiritano, broxara leyi kokaka mahlo ya ha ku n’wi pfuna leswaku a tiva Xikwembu ni ku dyondza hi vumundzuku lebyi tsakisaka lebyi nga ta kumiwa hi vanhu lava xi yingisaka. Vutivi byolebyo byi n’wi khumbe mbilu.

Broxara leyi, leyi humesiweke hi 2011 hi Timbhoni ta Yehovha yi kumeka hi mixaka yimbirhi. Hatimbirhi ka tona ti ni swifaniso swo saseka kambe ti hambana hi leswaku leyin’wana a yi na marito yo tala.

Broxara leyi nga ni marito yo tala leyi nge, Yingisa Xikwembu Kutani U Hanya Hilaha Ku Nga Heriki yi ta kumeka hi tindzimi ta 583, kasi leyin’wana leyi nge Yingisa Xikwembu yi ta kumeka hi tindzimi ta 483. Ringanisa leswi ni Vumbiwa Bya Misava Hinkwayo Bya Timfanelo Ta Vanhu Bya Nhlangano Wa Matiko, lebyi hi October 2013 byi hundzuluxeriweke hi tindzimi ta 413. Ku tlula kwalaho, se ku fambisiwe tikopi ta kwalomu ka 80 wa timiliyoni ta tibroxara letimbirhi.

Le Brazil, wansati un’wana la kuleke u amukele broxara leyi nge, Yingisa Xikwembu ivi a ku: “Swa tsakisa ku tiva leswaku ku ni vanhu lava khathalaka hi vanhu vo fana na mina. A ndzi nga ti amukeli timagazini ta n’wina hikuva a ndzi swi koti ku hlaya. Kambe ndzi lava broxara leyi.”

Brigitte, wansati loyi a nga kotiki ku hlaya loyi a tshamaka eFurwa, u te: “Masiku hinkwawo ndzi tsakela ku languta swifaniso leswi nga eka broxara leyi.”

Laha Afrika Dzonga, Mbhoni yin’wana yi tsale yi ku: “Ndzi kume broxara yo antswa leyi ndzi pfunaka leswaku ndzi byela vanhu ntiyiso wa le Bibeleni endhawini leyi va vulavulaka Xichayina. Ndzi ve ni lunghelo ra ku bula ni man’wana ya mathwasana ya le yunivhesiti, vanhu vo tlhariha swinene hambi ku ri vanhu lava nga swi kotiki ku hlaya. Broxara leyi nge, Yingisa Xikwembu Kutani U Hanya Hilaha Ku Nga Heriki yi ndzi pfuna leswaku ndzi kota ku pfuna van’wana leswaku va twisisa tidyondzo ta xisekelo ta Bibele hi xihatla. Ku nga si hela ni 30 wa timinete, ndzi va ndzi sungule dyondzo ya Bibele.”

Timbhoni timbirhi ta xisati le Jarimani ti dyondza ni mpatswa wun’wana lowu dyondzekeke. Nuna wa kona u tsake ngopfu loko ti n’wi nyika broxara ivi a ku: “Ha yini mi nga ndzi nyikanga broxara leyi khale? Yi ndzi pfuna ku twisisa swiendlakalo ni tinhlamuselo ta Bibele hi ku olova.”

Wansati un’wana la nga twiki, le Australia u te: “Malembe yo tala a ndzi tshama endlwini leyi ku tshamaka tinani. A ndzi ri ni vuxaka lebyikulu ni varhangeri va kereke ku tlula lavan’wana. Hambiswiritano, a nga kona ni un’we wa vona loyi a ndzi dyondziseke leswaku Mfumo wa Xikwembu i yini. Swifaniso leswi nga endzeni ka broxara leyi, swi ndzi pfune ku twisisa leswi Matewu 6:10 yi vulaka swona.”

Rhavi ra Timbhoni ta Yehovha le Canada ri tsale ri ku: “Endzhaku ka ku vona broxara leyi nge Yingisa Xikwembu hi Xikrio, vanhu vo tala va le Sierra Leone va susumeteleke ku vula leswaku hakunene Timbhoni ta Yehovha ti tirha hi matimba leswaku ti burisana ni van’wana hi rungula ra Bibele. Van’wana va vule leswaku ‘Timbhoni ta Yehovha ti khathala ngopfu hi vanhu kambe vo tala a va endli tano.’ ”

DYONDZA SWO TALA

Xihondzo xo Rindza—Ku Hava Magazini Wun’wana Lowu Fanaka Ni Lowu

Hi kandziyisa ni ku hangalasa magazini wa Xihondzo xo Rindza emisaveni hinkwayo hi tindzimi to tlula 190. Ti famba njhani timagazini letin’wana loko ti pimanisiwa ni lowu?