“Ndza Swi Tiva Leswaku Ndzi Xaniseriwa Yini”

TLANGA

Hi February 28, 2025, Khoto ya Doroba ra Poronaysk eXifundzheni xa Sakhalin yi vone makwerhu Daler Tokhtayev nandzu ni ku n’wi gweva malembe ya tsevu ejele. Wa ha ri ejele.

Vuxokoxoko

Daler Tokhtayev

Lembe leri a velekiweke ha rona: 1990 (Tajikistan)

Lembe leri a khuvuriweke ha rona: 2008

Ntirho: A tirha ku hiselela tinsimbhi. U cate na Zhanna hi 2012

Leswi a gweveriweke swona: Ku dyondzisa Bibele ni ku fambisa tinhlengeletano ta Timbhoni ta Yehovha

U hete kwalomu ka tin’hweti ta 11 a ri ejele swa xinkarhana loko a ha yimele ku gweviwa

Xigwevo: Malembe ya tsevu ekhotsweni

Marito yo hetelela lawa Daler a ma vuleke eKhoto a

A ndzi se tshama ndzi swi tumbeta leswaku ndzi mbhoni ya Yehovha. Ndza tinyungubyisa ha swona. Vukhongeri bya mina byi ndzi pfuna ku endla swilo leswinene ntsena, naswona ku tirhisa Misinya ya Milawu ya Bibele swa ndzi pfuna evuton’wini bya mina. Loko ndzi ri ejele, ndzi hlangane na vanhu vo tala vo hambanahambana vo fana ni vadlayi, makhamba, ni vakanganyisi. Va ndzi vutise va ku: “U khomeriwe yini?” Mikarhi hinkwayo a va hlamala loko ndzi va hlamusela leswaku ndzi khomiwe hikwalaho ka ripfumelo ra mina. Kambe leswi a swi ndzi hlamarisi. Ndza swi tiva leswaku ndzi xaniseriwa yini. Yesu u te: “Loko va ndzi xanisile, na n’wina va ta mi xanisa.” (Yohane 15:20) Loko a kote ku hlula miringo, na mina ndzi nga swi kota. Ku va ejele a swi ri tsanisanga ripfumelo ra mina. Ematshan’weni ya sweswo swi endle ri ya tiya. Ndzi swi xiye kahle leswaku Xikwembu xa ndzi khathalela. Mikarhi hinkwayo xa swi hlamula swikhongelo swa mina naswona ndzi ni ku rhula embilwini.

Hambileswi swi hi twisaka ku vava leswi Daler a nga kotiki ku va swin’we ni ndyangu wakwe loko a ri ejele, ha tiyiseka leswaku Yehovha “Xikwembu xa rirhandzu ni ku rhula” u ta ya emahlweni a va tiyisa.—2 Vakorinto 13:11.

a Loko ku lunghiseleriwa nhlokomhaka leyi a swi nga ri kona leswi Daler a swi vuleke.

MAHUNGU YA SWESWINYANA