“Vona Tiko Lerinene”

“Xipfuneti lexi xo hlamarisa a a ndzi xi langutele hi mahlo-ngati,” ku tsale wansati un’wana endzhaku ka loko a hlaye broxara leyi ya ha ku humesiwaka ya mimepe ya le Bibeleni leyi nge “Vona Tiko Lerinene.” “Se ndza swi kota ku ti vona hi mahlo ya mianakanyo tindhawu, vanhu ni swiyimo leswi Matsalwa ma vulavulaka ha swona.”

Broxara leyi ya matluka ya 36 leyi nga ni mivalavala yi pfuna lava hlayaka Rito ra Xikwembu leswaku va twisisa timhaka ta le Bibeleni. U engetele a ku: “Ku vona ndlela leyi tempele a yi tlakuke ha yona loko yi pimanisiwa ni tindhawu leti yi rhendzeleke swi ndzi pfuna leswaku ndzi twisisa matsalwa lama vulavulaka hi vugandzeri bya Yehovha lebyi ‘tlakukeke.’ Swa pfuna swinene ku vona ndlela leyi miti ya vuchavelo a yi tshamise xiswona, swin’we ni tindhawu tin’wana leti hlamuseriwaka eMatsalweni ya Xiheveru ni ya Xigriki. Ndzi sungule ku tirhisa broxara leyi leyi kokaka mahlo loko ndzi hlaya buku ya Bibele ya Mintirho.”

Wansati loyi u gimete hi ku: “Ndzi ta yi tirhisa minkarhi hinkwayo nyiko leyi yo saseka loko ndzi hlaya Rito ra Xikwembu.”

U nga ha kombela kopi ya broxara leyi leyi nge “Vona Tiko Lerinene,” hi ku tata xiphephana lexi kutani u xi rhumela eka adirese leyi kombisiweke eka xona kumbe eka adirese leyi faneleke eka leti nga eka tluka 5 ra magazini lowu.

□ Handle ka ku tiboha, ndzi kombela mi ndzi tisela broxara leyi nge “Vona Tiko Lerinene.”

Kombisa ririmi ra kona.

□ Ndzi kombela mi tihlanganisa na mina malunghana ni dyondzo ya mahala ya Bibele.

[Laha Xifaniso Xi Humaka Kona eka tluka 32]

Pictorial Archive (Near Eastern History) Est.