Xiphemu 5

Ta Vuhlonga Bya Le Babilona Ku Ya Eku Pfuxetiweni Ka Makhumbi Ya Yerusalema

Loko Vaisrayele va ri evuhlongeni eBabilona, ripfumelo ra vona ri ringiwe ko tala. Xadraka, Mixaka na Abedinigo va hoxiwe ekheleni ra ndzilo wa xivavula, kambe Xikwembu xi va ponisile. Endzhakunyana ka loko Babilona ri hluriwile hi Vameda ni Vaperesiya, Daniyele u hoxiwe ekheleni ra tinghala, kambe Xikwembu xi n’wi ponisile na yena hi ku pfala milomu ya tinghala.

Eku heteleleni, Korexe hosi ya Peresiya u ntshunxe Vaisrayele. Endzhaku ka malembe ya 70 va ri evuhlongeni le Babilona, va tlhelele etikweni ra rikwavo. Nchumu wo sungula lowu va wu endleke loko va fika eYerusalema a ku ri ku aka tempele ya Yehovha. Hambiswiritano, ku nga ri kungani valala va vona va yimise ntirho wa vona. Hikwalaho, va hete ku aka tempele endzhaku ka malembe ya kwalomu ka 22 va tlhelele eYerusalema.

Nakambe, hi twa hi ta riendzo ra Ezra ro tlhelela eYerusalema a ya khavisa tempele. Sweswo swi humelele endzhaku ka malembe ya kwalomu ka 47 tempele se yi herile. Kutani, emalembeni ya 13 endzhaku ka riendzo ra Ezra, Nehemiya u pfunetile eku pfuxetiweni ka makhumbi ya Yerusalema lawa a ma hirimuxiwile. Xiphemu xa VUNTLHANU xi hlanganisa matimu ya malembe ya 152 ku ta fika sweswi.