Mucharu ichi ŵanthu anandi achita phukwa ndipu atijivwa kuti ŵe ŵija ndipu awona kuti angaja cha pa ubwezi ndi anyawu.Madokotara nganyaki ngagomezga kuti kovya ŵanthu anyaki ndi nthowa yamampha yakumaliyana ndi suzgu lenili.

•   “Kovya ŵanthu wo akhumbika chovyu kungatiwovya kuti tijengi umoyu walikondwa kweniso timalani ndi suzgu lakujivwa kuti te tija ndipuso kujivwa kuti tingaja cha pa ubwezi ndi ŵanthu anyaki.”—U.S. National Institutes of Health.

 Bayibolu lipereka ulongozgi wamampha wa mo tingawovye ŵanthu anyaki. Kugwiriskiya ntchitu vo likamba kungatiwovya kuti timalani ndi suzgu lakuchita phukwa.

 Mujengi akupaska. Musaniyengi nyengu yakucheze ndi ŵanthu anyaki, ukongwa pamasu ndi pamasu. Mukhumbisisengi kugaŵiyaku anyinu vo mwenavu. Asani mwachita viyo,angakuwongani ukongwa ndipu vingachitisa kuti muje pa ubwezi.

•   Fundu ya mu Bayibolu: “Mupaskengi ndipu ŵanthu akupaskeningi.”—Luka 6:38.

 Muwovyengi ŵanthu anyaki. Musaniyengi nthowa zo mungawovye ŵanthu wo akumana ndi masuzgu. Venivi visazgapu kuŵavwisiya asani alongoro kweniso kuŵawovya ntchitu zinyaki.

•   Fundu ya mu Bayibolu: “Bwezi chayilu liŵapu kuti likuwovyi nyengu zosi.”—Nthanthi 17:17, Contemporary English Version.

 Kuti muziŵi vinandi pa mo mungajaliya pa ubwezi wamampha ndi ŵanthu anyaki, ŵerengani nkhani yamutu wakuti “Umoyu Wabanja Kweniso Mabwezi.”