Epedorete Cut Lukatwak Aijar Bobo?
Ti ijo kitema biai . . .
-
eebo?
-
mam?
-
araibo?
NUISISIANAKINI EBAIBULI
‘Ebuni ajarun ajaun.’—Aswamisio 24:15.
ANYOIN BO APOLOU KANGUN KANEKIJAI IJO
Aitalakario naidumuni ijo netwakatar luminan kon.—2 Ikorinton 1:3, 4.
Ailajara namam akuriau atwanere.—Iburanian 2:15.
Amuno nakabeit naimorikikin bobo keda lukatwak luminan wok.—Yokana 5:28, 29.
IPEDORI KEREKA ONI CUT ACAMUN NUISISIANAKINI EBAIBULI?
Eebo, kanu akiro auni:
-
Erai Edeke Lokasuban aijar. Enyarit Ebaibuli Edeke Yawe “atan naka aijar.” (Isabulin 36:9; Aswamisio 17:24, 25) Lo einakini aijar nejaas isuban kere luejarete epedori bobo aiyakakin aijar nejai itunganan yen atwana.
-
Kitajarunitor Edeke itunga kolosek. Itetemit Ebaibuli itunga ikanyauni luaponi kitajarunai kakwap lmoriaritos—idwe, luapolok, ikiliok, keda angor. Ice adaunitos apak naedit etwakito, konye abu ediopet kodau apaarasia angon!—Yokana 11:39-44.
-
Ekapakina Edeke aswam ngun bobo. Elait Yawe atwanere; eseseni atwanere kwape lokasurup. (1 Ikorinton 15:26) Ejaas nges keda ‘eimiel’ loka alemar atwanere, kitosomai ajarun. Ipuda nges ainyakun ngun luiyitunit kosodi aanyun ebe ejarete kes bobo kotoma akwap.—Yob 14:14, 15.
KOMOOM NUU
Kanukinyo kimojongia ka twakete da?
Ebongokinit Ebaibuli angiset ngin kotoma AGEUN 3:17-19 ka IROMAYON 5:12.
You May Also Like
ESSENTIAL BIBLE TEACHINGS
Inyoin bo Ejautene Loka Alukatwak?
Isumunit Ebaibuli ebe ejaun apak naitajarunere itunga luipu, arai anyoun okatwak, kwape ka Lasaro.
NUIKAMUNITOS ISIO
Kanukinyo Ibusakinitor Aisisia Ebaibuli?—Ebidio Loeoja
Ijaikinit Ebaibuli abongonokineta nuka aingiseta nuepolok kotoma aijar neejaas imilionin luka itunga anatar akwap kere. Ikoto kereka ijo da adumun abongonokinetakon?
