Inyaraunit Sio Jo Abunere
Aiitun Atwanare Naka Yesu
Naiwongonet, 2 Olap Loiwongonet, 2026
Isukunyunit sio jo ajaun ainapeta nu aarei nuka atitai
Einer Loitegelikina Loka Ebaibuli
“Ingai bo Epedori Aisiteteun Akwap?”
Kisisiau nuikamunitos nuebuni Edeke aiswamakin akwap ka itunga.
Aiitun Atwanare Naka Yesu
Kotoma airiamun kana naepol, iitunete Ajenak Luka Yawe atwanare naka Yesu, kwape abu ngesi kicorakinia.—Luka 22:19.
Aingiseta Nuetapit Itunga Aingit
Ingai bo epedori abunere?
Isukunyunitai itunga kere. Koyau ekonikale da.
Eyangaikinete ainapeta ngun apak naetia ai?
Eyangaikini einer loitegelikina idakikan akaisauni. Akaulo naka einer kangol, ibuni ayangaikin esawa ediopet aimor akou naka akirot naelemunitai koBaibuli.
Eyangaikinete ainapeta nuka Aiitun Atwanare Naka Yesu nepetai esawa ediopet.
Ai bo itolosere ainapeta ngun?
Kanu adumun aiboisit naitolosere ainapeta ngun, kicikak atutubet naejai kuju naebala ebe “Kodum aiboisit Naejaikin Aiitun Atwanare Naka Yesu” arai bo “Kodum aiboisit naijaikinere Einer Loitegelikina.”
Ekotoi kereka eong aitac ikapun arai bo aitodolikin ace kanu ajaun ngina?
Mam.
Itelemio kereka itunga icakan?
Mam. Mam itelemio itunga ikapun kotoma airiamununetakosi.—Matayo 10:8.
Epone ani ibusakinitor eong anapit?
Mam itutubitai ediopone loibusakinitor ainap, konye, etamitos Ajenak Luka Yawe ainap kopone loejok ido loitodunit ayongit Edeke.
Anyoika bo nuiswamasi kotoma Aiitun Atwanare Naka Yesu?
Itegeario ido engetakinio airiamun na keda ekosio ka ailip naijaikini ejaanakinan loka Yawe. Imoriaritos ainapeta nu einer loijaikino ido loitetemit ajokis naka atwanare naka Yesu keda epone loipedoria oni aimedaun kotoma kanu eswamakisi Edeke keda Kristo oni.
Kanu aisisiaun nuipu, koany asisiaet “Kanuinyo Itolosiata Ajenak Luka Yawe Epucit Loka Inyamat Luka Ejakait Lukabong Kopone Loitegelikina Keda Idiinin Luce?”
Iwori bo ejaunor bobo Aiitun Atwanare Naka Yesu?
2026: Naiwongonet, 2 Olap Loiwongonet
2027: Naebalaasa, 22 Olap Loiwuniet
2028: Naesabiiti, 9 Olap Loiwongonet
Kanu aisisiaun nuipu, kosesen ibidion luetupakinete.
Koany epone loebeitor aitolot ainapeta nuka Aiitun Atwanare Naka Yesu ido koany adis nuikamunitos ingaren najokan naisipedorit atwanare naka Yesu oni adumun.
Aticepak ipupunitor ijo ebe abu Yesu kotwana kanuka adiakanaretawok. Konye epone ani epedoria atwanare naka ediopetunganan ainakin itunga imilionin ka imilionin aimedaun?
Anyoika bo Nuiswamasi Kokingdom Hall?
Koany ijo ilopet nuiswamasi kotoma.
Kicik anyaraunet naipedori ijo aijerun.