Ezequiel 4:1-17
4 Ga̱jma̱a̱ ikháán a̱ʼdióo xa̱biya̱, ayá mbá tabique ga̱jma̱a̱ atatíga̱ náa inaaʼ. Ataniri̱ya̱ʼ ikhí xuajin Jerusalén.
2 Atruguamaʼáan,+ atani̱ mbá xtájtsí náa mbájndi,+ ataxújxi̱ dí matsimún ga̱jma̱a̱ xa̱bu̱ muxmijná,+ atadri̱ga̱ guʼwún soldado bi̱ muni̱ gámbáa, ga̱jma̱a̱ atruguamáʼáan xuajin ga̱jma̱a̱ ixi̱.+
3 Ayá mbá ajua̱nʼ paska ga̱jma̱a̱ atatsiji xóo xtájtsí dí ajua̱nʼ náa ikháán ga̱jma̱a̱ náa xuajin. Ikhú atiejxi̱i̱ xuajin ga̱jma̱a̱ ikhaa maguguámáʼáan, ikháán matruguamaʼáan. Rígi̱ mani̱ndxu̱u̱ mbá tsinaʼ náa goʼwóo Israel.+
4 Nda̱wa̱á, atabáaʼ ga̱jma̱a̱ níjñu xti̱ya̱a̱ʼ, ga̱jma̱a̱ atagrígu náa ikháán* aʼkhúun goʼwóo Israel.+ Mi̱da aʼkhúun mbá xúgíʼ mbiʼi dí gátaba̱a̱ʼ ga̱jma̱a̱ níjñu xti̱ya̱a̱ʼ.
5 Gíʼmaa matani̱ rígi̱ mbá 390 mbiʼi, dí nandoo gáʼthúu̱n tsiguʼ dí niʼni aʼkhá,+ ga̱jma̱a̱ ikháán mi̱da aʼkhúun goʼwóo Israel.
6 Ga̱jma̱a̱ mbaʼyóoʼ dí matani̱ rígi̱ asndu náa gárámuuʼ mbiʼi.
Nda̱wa̱á matanga̱án mata̱ba̱a̱ʼ mbu̱júu̱, mú dí xúgi̱ mata̱ba̱a̱ʼ ga̱jma̱a̱ níjñu májáanʼ, ga̱jma̱a̱ mi̱da aʼkhúun goʼwóo Judá+ mbá 40 mbiʼi. Mbá mbiʼi dí mbá tsiguʼ, mbá mbiʼi dí mbá tsiguʼ, rúʼko̱ dí ikhúún nakuʼmán matani̱.
7 Ga̱jma̱a̱ atanga̱án matiejxi̱i̱ dí kúgumaʼá ga̱jma̱a̱ Jerusalén,+ ga̱jma̱a̱ ñawáanʼ dí na̱nguá jchá ga̱jma̱a̱ nimbá, aratáríya̱ʼ dí magíʼnuu.
8 Atayáá, maruʼwa̱a̱ʼ ga̱jma̱a̱ ñuñuu mu dí xúʼko̱ xándoo gágutangañíín ga̱jma̱a̱ mataba̱a̱ʼ ga̱jma̱a̱ i̱mba̱ níjñáaʼ asndu índo̱ gárámuuʼ mbiʼi dí matruguamaʼáan.
9 Adríyáʼ náa mbá pájxua̱a̱ trigo, cebada, habas, lentejas, mijo* ga̱jma̱a̱ espelta,* mu matani̱ ga̱jma̱a̱ pan miʼtsu. Miʼtsu náa mbá xúgíʼ mbiʼi dí gátaba̱a̱ʼ ga̱jma̱a̱ mbá níjñáaʼ, mbá 390 mbiʼi.+
10 Matagiéwan ga̱jma̱a̱ miʼtsu mbá 20 siclos* ganitsu rí mbá mbiʼi. Miʼtsu hora dí kaʼyoo.
11 Ga̱jma̱a̱ kiéwaán iyaʼ gáraʼdáá, migi̱i̱n mbá tikhu litro* iyaʼ. Migi̱i̱n hora dí kaʼyoo.
12 Miʼtsu pan dí gátani̱, xó má gíʼtsu pan cebada dijndi, náa inún xa̱bu̱ majmaaʼ ambúún xa̱bu̱ rí nijndooʼ mu mataxuʼmbúʼ ga̱jma̱a̱”.
13 Jeobá niʼthí: “Xígi̱ kaʼnii israelitas gúphu pan ndrígu̱ún, náa mitsaga, náa majñu̱únʼ xa̱bu̱ xuajin, náa gáni̱ dí magadríʼiin”.+
14 Ikhú ni̱tha̱: “¡Tátá Jeobá bi̱ itháán Mba̱a̱! Asndu nákha dxámá nindxu̱ʼ asndu rí mbiʼi xúgi̱, nditháan táni̱ gachíminaʼ dí miʼkhu xuyuuʼ xujkhúʼ bi̱ nikháñuu má, o bi̱ ni̱ʼkhu̱u̱ xujkhúʼ,+ ni má nditháan tíʼkhu xuwiʼ rí mitsaga”.+
15 Ikha jngóo ikhaa niriʼñuʼ: “Májánʼ má, maniʼñáánʼ dí mataxuʼmbúʼ pan dí miʼtsu ga̱jma̱a̱ ambóo xedi̱, raʼkháa ambóo xa̱bu̱”.
16 Ikhú niʼthí: “A̱ʼdióo xa̱biya̱, ma̱ni̱ dí xárígá ganitsu* náa Jerusalén,+ xa̱bu̱ xuajin mu̱phu̱ chíʼgíiʼ* pan ga̱jma̱a̱ ngíná ma̱ngaa dí naxmiéjúúnʼ, mu̱phu̱ mbá xíʼthá pan+ ga̱jma̱a̱ mu̱wa̱a̱n mbá chíʼgíiʼ iyaʼ ga̱jma̱a̱ gamíi, mbá chíʼgíiʼ gúwáan.+
17 Marigá rígi̱ mu índo̱ ikhiin ni xáguáʼdáá pan ga̱jma̱a̱ xáguáʼdáá iyaʼ, ikhiin mbuyamijná ga̱jma̱a̱ maʼniún tsiánguá, ma̱ngaa magindíin ga̱jma̱a̱ numuu rí nakiéʼkúún.
Mbaʼa nota
^ Náa ajngáa hebreo naʼthí, “ikhaa”, xóo muʼthá, níjñú xti̱yu̱u̱ʼ Ezequiel.
^ Nindxu̱u̱ mbá iná rí majkhaʼ tsígooʼ.
^ Rígi̱ nindxu̱u̱ xó má trigo mú tséjmaʼnuuʼ wéñuuʼ, dí nudu bi̱ egipcio nákha wajyúuʼ.
^ Náa ajngáa hebreo naʼthí, “majkúmigu xkuíyóo pan”. Mbáa nandoo gáʼthúu̱n xkuíyá dí nujngrigú ga̱jma̱a̱ pan mu murajxi̱i̱.
^ O “lajuíin”.
