Kukumbuka lufu lwa Yesu
Lundi le 22 Mars 2027
Mala moya mu mwaka, Batemwe de Jeova banakumbukaka lufu lwa Yesu nju ya kufuata bile Yesu ye moya aribaambiaka pale arisemaka ivi: “Mwendelee kufanya ivi nju ya kunikumbuka.”—Luka 22:19.
Tuna ku invité weye pamoya na famille yako mukuye tukumbuke lufu lwa Yesu.
Maulizo ile bantu banajiulizaka sana
Nani njo atakuya?
Tunakaribisha muntu wote. Unezi kuya na famille yako.
Programe itafanya ma saa ngapi?
Itafanya karibu saa moya.
Ile renion itafanshikia wapi?
Uliza Batemwe de Jeova nju ya kuyuwa kule itafanshikia karibu na kwenu.
Kama minakuya, kuko mambo ingine ile minapashwa kufanya?
Akuna.
Eske tutatoa sadaka?
Apana. Atulombake sadaka ku marenion yetu.—Matayo 10:8.
Minapashwa kuvwala je?
Akuna namna moya ivi ya kuvwala. Lakini, Batemwe de Jeova banavwalaka manguo ile inaonesha asema banaeshimia marenion yabo.
Renion ya kukumbuka lufu lwa Yesu itafanshika je?
Ile renion inanzaka na inaishaka na mwimbo na sala. Kisha mwimbo, Temwe de Jeova moya atafanya sala. Mu ile renion, munekalaka diskur ile inaonesha nju ya nini lufu lwa Yesu ni lwa maana, na ni mabaraka kani tutapata nju ya mambo ile Mungu na Yesu baritufanshia.
Nju ya kuyuwa bya mingi, soma abari: “Juu ya Nini Mashahidi wa Yehova Wanafanyaka Meza ya Bwana Tofauti na Dini Zingine?”
Ni wakati kani tena tutakumbuka lufu lwa Yesu?
2027: Lundi le 22 Mars
2028: Dimanche le 9 Avril
2029: Jeudi le 29 Mars