LESONA 24
O le ā le Aʻoaʻoga Moni e Faatatau i Agelu?
E finagalo Ieova ia tatou iloa lona ʻauaiga i le lagi. O lenā aiga e aofia ai agelu, o ē ua taʻua o ʻatalii o le Atua.’ (Iopu 38:7) O le ā ua taʻua i le Tusi Paia e faatatau i agelu? O le ā lo latou aafiaga i tagata? Po o agelu uma e aofia i le ʻauaiga o le Atua?
1. O ai agelu?
Na foafoaina e Ieova agelu a o leʻi faia le lalolagi. O ni agaga e lē vaaia e i le lagi, e pei foʻi o ia. (Eperu 1:14) E faitau miliona agelu ma e eseese uma o latou uiga. (Faaaliga 5:11) E latou te ʻfaataunuuina afioga a Ieova, ma usitaʻi i lona siʻufofoga.’ (Salamo 103:20) I aso anamua, na auina mai e Ieova ana agelu e faaoo mai feʻau, lagolagoina ma laveaʻia ona tagata. I aso foʻi nei, e faasino e agelu Kerisiano i tagata o loo mananaʻo e aʻoaʻo e faatatau i le Atua.
2. O ai Satani ma ana temoni?
E iai agelu e leʻi tumau faamaoni iā Ieova. O le agelu muamua lava na fouvale, o lē ʻua igoa o le Tiapolo ma Satani, ua ia faasesēina le lalolagi atoa.’ (Faaaliga 12:9) Na manaʻo Satani e na te pulea isi tagata. O lea na ia faaosoosoina ai uluaʻi tagata, ma mulimuli ane faaosoosoina foʻi isi agelu ina ia aufaatasi atu i lana fouvalega. O na agelu fouvale e taʻua o temoni. Na tutuliesea i latou e Ieova mai i le lagi ma lafo mai i le lalolagi, ma o le a faaumatia.—Faitau le Faaaliga 12:9, 12.
3. E faapefea ona taumafai Satani ma ana temoni e faasesēina i tatou?
E faasesēina e Satani ma ana temoni le toʻatele o tagata e ala i faiga faatemoni po o faiga faaagaga, lea e taumafai ai e fesootaʻi ma agaga. O se faataʻitaʻiga, e saʻili atu nisi tagata i fetu, o tagata vavalo po o faiga faataulāitu. O nisi e saʻili atu i togafitiga ma fofō e fesootaʻi atu i faiga faaagaga. Ua faasesēina foʻi nisi tagata i le talitonuga, e mafai ona talanoa atu i tagata ua maliliu. Ae ua lapataʻi mai Ieova: “Aua tou te liliu atu i ē e saʻili i agaga, aua foʻi tou te fesili atu i ē e vavalo i mea e tutupu.” (Levitiko 19:31) Ua ia aumaia lenei lapataʻiga e puipuia ai i tatou mai iā Satani ma ana temoni. O i latou o fili o le Atua ma e mananaʻo e faaleaga i tatou.
SAʻILIʻILI ATILI
Iloilo mea lelei e faia e agelu, lamatiaga o faiga faaagaga, ma le auala e puipuia ai i tatou mai iā Satani ma ana temoni.
4. E fesoasoani agelu i tagata ina ia aʻoaʻo e faatatau iā Ieova
E lē talaʻi tuusaʻo agelu a le Atua i tagata, ae e latou te taʻitaʻia auauna a le Atua i tagata o loo mananaʻo e aʻoaʻo e faatatau iā te ia. Faitau le Faaaliga 14:6, 7, ona talanoa lea i fesili nei:
-
Aiseā e tatou te manaʻomia ai le fesoasoani a agelu i le talaʻiga?
-
Pe faalaeiauina oe i le iloa, e mafai e agelu ona taʻitaʻia oe i tagata o loo fia faalogo i le Tusi Paia? Aiseā?
5. Ia teena faiga faaagaga
O Satani ma ana temoni o fili o Ieova, ma o ō tatou fili foʻi. Faitau le Luka 9:38-42, ona talanoa lea i le fesili lenei:
-
O ā mea e faia e temoni i tagata?
E tatou te lē mananaʻo e faataga temoni e aafia ai o tatou olaga. Faitau le Teuteronome 18:10-12, ona talanoa lea i fesili nei:
-
O ā auala e taumafai temoni e taaʻina ai i tatou ma fesootaʻi mai ai? O ā faiga faatemoni o loo taatele i lou vaipanoa?
-
Pe e te manatu o se mea talafeagai le faasāina e Ieova o faiga faaagaga? Aiseā?
Faaali le VITIŌ, ona talanoa lea i fesili nei:
-
Pe e iai se lamatiaga o le taulima o loo i le lima o le pepe a Palesa? Aiseā?
-
O le ā na tatau ona faia e Palesa ina ia puipuia ai mai i temoni?
E tetee atu pea Kerisiano moni i temoni. Faitau le Galuega 19:19 ma le 1 Korinito 10:21, ona talanoa lea i le fesili lenei:
-
Aiseā e tāua ai le lafoaʻia o so o se mea e fesootaʻi atu i faiga faaagaga?
6. Ia manumalo i le taua faasaga iā Satani ma ana temoni
E pulea e Satani temoni, ae o loo taʻitaʻia e le agelu sili o Mikaele po o Iesu agelu faamaoni. O le ā le tele o le mana o loo iā Mikaele? Faitau le Faaaliga 12:7-9, ona talanoa lea i fesili nei:
-
O ai e sili atu ona malosi? O Mikaele ma ana agelu, po o Satani ma ana temoni?
-
Pe e te manatu e tatau ona fefefe soo o Iesu iā Satani ma ana temoni?
E mafai ona e manumalo i le taua faasaga iā Satani ma ana temoni. Faitau le Iakopo 4:7, ona talanoa lea i le fesili lenei:
-
E faapefea ona puipuia oe mai iā Satani ma ana temoni?
UA FAAPEA MAI NISI: “E lē sesē le taalo i taaloga pe matamata i ata e faatatau i faiga faaagaga. Ua na o se mea e faapasi ai le taimi.”
-
Aiseā e mataʻutia ai lenā manatu?
AOTELEGA
E fesoasoani agelu faamaoni iā i tatou. O Satani ma ana temoni o fili o Ieova, ma e latou te faaaogā faiga faaagaga e faasesēina ai tagata.
Fesili Autalu
-
E faapefea ona fesoasoani agelu a Ieova i tagata ina ia aʻoaʻo e faatatau iā te ia?
-
O ai Satani ma ana temoni?
-
Aiseā e te lē manaʻo ai e fai sau vaega i faiga faaagaga?
MANATU FAAOPOOPO
Mātau faamaoniga e iloa ai o Mikaele le agelu sili e faasino atu iā Iesu.
Iloilo faamaoniga e iloa ai e iai moni lava le Tiapolo.
Mātau pe na faapefea ona saʻoloto se fafine mai faiga faatemoni.
“Ua Ia Maua se Faamoemoe i le Olaga” (Le Olomatamata, Iulai 1, 1993)
E faapefea ona faasesēina e Satani tagata e ala i faiga faaagaga?
E te Ono Fiafia Foʻi
FESILI E MASANI ONA LĀGĀ
O le ā le Talanoaga Faale-Tusi Paia o Loo Ofoina e Molimau a Ieova?
Ua ofo atu e Molimau a Ieova se suʻesuʻega faale-Tusi Paia e lē totogia, e mafai ona e faaaogāina ai so o se faaliliuga o le Tusi Paia. E mafai foʻi ona valaaulia lou aiga atoa po o au uō e auai ai.
