Νάα. Μπουτ τζενέ πακιάνα ότι υπαρχίντιβελα εκ τθαν σο τθερέλα γιακ σαρ ντικχιόλα σε μερικές ζωγραφιές κο κχανγκιριά, σαρ ανταγιά σο ισί κο θέμας ανταβά ντα ότι οτθέ ο μουλέ βασανίντιβενα. Όμως, η Αγία Γραφή σικλιαρέλα κάτι γιαβέρ.

1.   Ο μουλέ να αγαβένα τίποτα ντα οτθάρ να νιωθίνενα ντουκχ. «Κο Μεζάρι, κο τθαν σο τζάσα, να αβέλα-πες τι κερές ούτε μπουτί ούτε σχέδια ούτε τι σικλιός κάτι ούτε τι λες σοφία».​—⁠Εκκλησιαστής 9:​10.

2.   Η τιμωρία σο ανέλα η αμαρτία ισί ο μεριπέ ντα όχι ο βασανιστήρια ι γιακάσαρ σε εκ κόλαση. «Οντουβά σο μουλό νασλί λέσταρ η αμαρτία».​—⁠Ρωμαίους 6:7.

3.   Αφού ο Ντεβέλ ισί δίκαιος, να αβέλα-πες τι βασανίνελ ι τζενέν για πάντα. (Δευτερονόμιο 32:4) Κάνα ο πρώτος τζενό, ο Αδάμ, αμαρτιντάς, ο Ντεβέλ βακερντάς λέσκε ότι η τιμωρία λέσκι κα αβέλας τι σταματίνελ τι υπαρχίντιβελ: «Τσικ ισινάν ντα κι τσικ κα βουρτίνες». (Γένεση 3:19) Άμα σοράν κα μπουτσσαβέλας-λες τι πφαμπόλ κι κόλαση, ανταβά κα σικαβέλας ότι ο Ντεβέλ βακερντάας λέσκε ψέματα.

4.   Ναστί νακχέλα κατά Ντεβλέσκι γκοντί τι βασανίνελ ι τζενέν για πάντα. Ο σικλιαριπέ ότι ο Ντεβέλ τιμωρίνελα ι τζενέν για πάντα κι κόλαση γιακάσαρ ισί αντίθετος οντουλέσαρ σο σικλιαρέλα η Αγία Γραφή ότι «ο Ντεβέλ ισί αγάπη».​—⁠1 Ιωάννη 4:8· Ιερεμίας 7:31​.