Σαρ Μπορίνασα τι Νικίνας ι Νταρ ι Μεριμάσκι;
Σο βακερέλα η Αγία Γραφή
Ισί λογικός τι νταράς κατά μεριπέ ντα τι κεράς χάνικ πράγματα για τι αρακχαβάς αμαρί ζωή, σόσκε ο μεριπέ ισί αμαρό ντουσμάνι. (1 Κορινθίους 15:26) Όμως, η μπαρί νταρ ι μεριμάσκε, σο αβέλα κατά ψεύτικα λάφια, κερέλα ι τζενέν τι αβέν δούλοι σαρί πουμαρί ζωή. (Εβραίους 2:15) Για τι ελευθερώντιβας ανταλέ νταριάταρ—σο μπορίνελα τι λελ αμένταρ ι χαρά ι ζωγιάκι—ισί σημαντικός τι σικλιάς ι αλήθεια ι μεριμάσκε.—Ιωάννης 8:32.
Η αλήθεια ι μεριμάσκε
Ο μουλέ να αγαβένα τίποτα. (Ψαλμός 146:4) Δεν πρέπει τι νταράς ότι κα ντουκχάς ή κα τθεράς βάσανα σοράν κατά μεριπέ, επειδή η Αγία Γραφή βακερέλα ότι ο μεριπέ μοιάζελα ι σοϊμάσαρ.—Ψαλμός 13:3· Ιωάννης 11:11-14.
Ο μουλέ να μπορίνενα τι κερέν αμένγκε ζιάνι. Σαρέ ο τζενέ—ατζέ-ντα ο πιο μπαρέ ντουσμάνια εκχέ τζενέσκε—κάνα μερένα ισί «μπίζουρανε». (Παροιμίες 21:16) Η Αγία Γραφή βακερέλα ότι «λένγκο μίσος ντα λένγκι ζήλια νασλέ μπίλιμα».—Εκκλησιαστής 9:6.
Να τελειώνενα σαρέ ι μεριμάσαρ. Αντράλ κατά ανάσταση ο Ντεβέλ κα τζουβντιαρέλ εκατομμύρια τζενέν σο μουλέ.—Ιωάννης 5:28, 29· Πράξεις 24:15.
Ο Ντεβέλ ντέλα πο λάφι ότι κα αβέλ o βακίτι σο «ο μεριπέ να κα αβέλ πάλι». (Αποκάλυψη 21:4) Οντουλέ ντιβεσέσκε η Αγία Γραφή βακερέλα: «Ο δίκαια τζενέ κα τθερέν πουμένγκε ι πφουβ ντα κα τζουβντιόν για πάντα λάτε». Αζομάν καέκ τζενό να κα νταρέλ κατά μεριπέ.—Ψαλμός 37:29.