Η Αγία Γραφή ντέλα ι εντολή μα τι τσσουβάς ρατ αμαρέ σωμάστε. Ανταλέσκε, δεν πρέπει τι χας ρατ ούτε τι τσσουβάς ρατ ή ο σταρ βασικά πράγματα σο τθερέλα ο ρατ. Ντικχέν ανταλά εδάφια:

•   Γένεση 9:4. Σοράν κατά Κατακλυσμός, ο Ντεβέλ μουκχλάς ι Νωές ντα λέσκι φαμιλί τι χαν μας, όμως ντινάς-λεν ι εντολή μα τι χαν ρατ: «Μας λέσκε ζωγιάσαρ—λέσκε ρατέσαρ—δεν πρέπει τι χαν». Ανταγιά εντολή ισί σαρέ ι τζενένγκε σόσκε σαρέ αστάρντιβασα κατά Νώε.

•    Λευιτικό 17:14. «Δεν πρέπει τι χαν ο ρατ σο τθερένα ο τζενέ ή ο ζώα, σόσκε η ζωή λένγκι ισί λένγκε ρατέστε. Κον κα χαλ-λες κα μερέλ». Κο γιακχά κι Ντεβλέσκε η ζωή ισί αντρέ κο ρατ ντα ισί λέσκι. Παρόλο σο ανταβά νόμος ντιντιλό σάντε κο Ισραηλίτες, σικαβέλα καζόμ σοβαρά ντικχέλας ο Ντεβέλ ο ρατ.

•    Πράξεις 15:20. «Τι ατσσόν ντουρ . . . κατά ρατ». Ο Ντεβέλ ντινάς κο Χριστιανοί ι ίδια εντολή σο ντινάς κο Νώε. Η ιστορία σικαβέλα ότι ο πρώτοι Χριστιανοί ούτε χάνας ρατ ούτε χρησιμοποιήνενας-λες σαρ φάρμακος.

Σόσκε ο Ντεβέλ ντέλα-αμέν ι εντολή τι ατσσάς ντουρ κατά ρατ;

 Ο μεταγγίσεις ι ρατέσκε μπορεί τι αβέν επικίνδυνες αμαρέ υγειάκε. Όμως ο πο σημαντικός λόγος σο ντινάς ο Ντεβέλ ι εντολή τι ατσσάς ντουρ κατά ρατ, ισί ότι ο ρατ ισί ιερός λέσκε.—Λευιτικό 17:11· Κολοσσαείς 1:20.