1, 2. (α) Σόσκε σικαβάσα σοφία αν τσσίντασα κατά Ιεχωβά; (β) Σο κα ντικχάς ανταλέ μαθημάστε;

ΣΙΚΑΒΑΣΑ σοφία κάνα ατσσάσα πασέ κο Ιεχωβά. Καέκ νανέ πιο ζουρανό, πιο σοφός ντα πιο λατσσό λέσταρ! Σίγουρα σαρέ μανγκάσα πάντα τι αβάς αφοσιωμέ κο Ντεβέλ ντα τι τσσίντας λέσταρ. (Ψαλμός 96:​4-6) Όμως, μερικοί υπηρέτες ι Ντεβλέσκε να κερντέ-λες ανταβά.

² Ανταλέ μαθημάστε, κα ντικχάς παραδείγματα τζενένγκε σο βακερένας ότι τσσίντενας κατά Ιεχωβά ενώ κερένας πράγματα σο μισίνελα. Ο σημαντικά μαθήματα σο λάσα λένγκε παραδειγμάσταρ μπορίνενα τι βοηθίνεν-αμέν τι ατσσάς αφοσιωμέ κο Ιεχωβά.

3. Σόσκε προσπαθιντάς ο Ιεχωβά τι βοηθίνελ τον Κάιν, ντα σο βακερντάς λέσκε;

³ Για παράδειγμας, σκεφτίνεν σο κερντάς ο Κάιν. Να ντέλας λατρεία ψεύτικε ντεβλέντε, αλλά ο Ιεχωβά να δεχτιντάς λέσκι λατρεία. Σόσκε; Ντικχλάς ότι αντρέ λέσκε γκίστε ισινέ πφιρνιπέ. (1 Ιωάννη 3:​12) Ο Ιεχωβά προειδοποιηντάς-λες: «Άμα αλλαξάλαν ντα κερντάν ο λατσσιπέ, να κα ευλογίναβ-τουτ πάλι; Αν όμως να αλλαξάλαν ντα να κερντάν ο λατσσιπέ, η  αμαρτία γκεραβέλα-πες κι πόρτα ντα μπεσέλα σαρ σαρ τι καπτίνελ-τουτ· αλλά τούι κα μπορίνες τι νικίνες-λα;» (Γένεση 4:6, 7) Ο Ιεχωβά βακερντάς ξεκάθαρα ότι άμα ο Κάιν κα μετανιώνελας ντα κα τραμπίνελας τι τσσίντελ κατά Ντεβέλ, Βοβ-ντα κα τσσίντελας λέσταρ.

4. Σο κερντάς ο Κάιν κάνα ντιντιλί-λες η ευκαιρία τι τσσίντελ κατά Ιεχωβά;

⁴ Άμα ο Κάιν κα αλλάνελας ο τρόπος σο σκεφτίνελας, ο Ιεχωβά κα δεχτίνελας πάλι λέσκι λατρεία. Αλλά ο Κάιν να ασουντάς ι Ντεβλές, ντα αντικάς ο λάθος πράγματα σο σκεφτίνελας ντα μανγκέλας γκερντέ-λες κι αμαρτία. (Ιακώβου 1:​14, 15) Κάνα ο Κάιν ισινέ πιο τερνό, μπορεί μα τι νακχλόας ιτς λέσκε γκοντιάταρ ότι κα τζάλας κόντρα ι Ιεχωβάσαρ. Σοράν όμως να ντινάς σημασία ι προειδοποίηση ι Ντεβλέσκι, γκιλό λέσαρ κόντρα ντα μουνταρντάς πι ίδιε πι πφραλές!

5. Καλά σκέψεις μπορεί τι κερέν-αμέν τι χασαράς ι ευλογία ι Ιεχωβάσκι;

⁵ Σαρ ο Κάιν, αντικάς εκ Χριστιανός-ντα αντιβές μπορεί τι βακερέλα ότι ντέλα λατρεία ι Ιεχωβάς, αλλά κι πραγματικότητα τι κερέλα πράγματα σο μισίνελα Βοβ. (Ιούδα 11) Μπορεί τι νικιόλα μπουτ κο έργος ντα τι τζάλα σαρέ κο συναθροίσεις. Αλλά κι ίδια στιγμή, μπορεί τι σκεφτίνελα λουμνικανέ πράγματα, σαρ τι τθερέλ πιο μπουτ πράγματα πέσκε ή τι νιωθίνελα μίσος. (1 Ιωάννη 2:​15-17· 3:​15) Ασακέ σκέψεις μπορίνενα τι γκερέν κι αμαρτία. Ο γιαβερά τζενέ μπορεί μα τι τζανένα σο σκεφτίνασα ντα σο κεράσα, αλλά ο Ιεχωβά τζανέλα. Τζανέλα άμα να τσσίντασα λέσταρ σαρέ αμαρέ γκίσαρ.​—Διαβάνεν Ιερεμίας 17:9, 10.

6. Σαρ βοηθίνελα-αμέν ο Ιεχωβά τι κεράς κουμάντος ο λάθος πράγματα σο μανγκάσα;

⁶ Ατζέ-ντα κάνα κεράσα λάθη, ο Ιεχωβά να σιγκιαρέλα τι μουκχέλ-αμέν. Αν πφιράσα εκχέ επικίνδυνε ντρομέστε, ο Ιεχωβά βακερέλα αμένγκε: «Βουρτίνεν μάντε, ντα με κα βουρτίναβ τουμέντε». (Μαλαχίας 3:7) Ο Ιεχωβά αγαβέλα ότι κεράσα αγώνας με το αδυναμίες σο τθεράσα. Όμως, μανγκέλα τι αβάς σταθεροί ντα τι τζας κόντρα κο μπέτι πράγματα. (Ησαΐας 55:7) Αν κα κεράς-λες ανταβά, ντέλα πο λάφι ότι κα βοηθίνελ-αμέν ντα κα ντελ-αμέν ι ζορ σο χρειαζίντιβασα για τι κεράς κουμάντος ο λάθος πράγματα σο μανγκάσα.​—Γένεση 4:7.

7. Σαρ χασαρντάς ο Σολομών ι φιλία σο τθερέλας ι Ιεχωβάσαρ;

⁷ Κάνα ο Σολομών ισινέ τερνό, τθερέλας λατσσί φιλία ι Ιεχωβάσαρ. Ο Ντεβέλ ντινάς-λες μπαρί σοφία ντα ο σημαντικός διορισμός τι χτίνελ εκ μπουτ σουκάρ ναός κι Ιερουσαλήμ. Αλλά ο Σολομών χασαρντάς ι φιλία σο τθερέλας ι Ιεχωβάσαρ. (1 Βασιλέων 3:​12· 11:1, 2) Ο Νόμος ι Ντεβλέσκο βακερέλας ότι ο βασιλιάς δεν έπρεπε «τι λελ πέσκε μπουτέ ρομνίν, για μα τι νασέλ λέσκο γκι κατά λατσσό ντρομ». (Δευτερονόμιο 17:​17) Ο Σολομών να ντινάς καν ανταλέ νομόστε. Λιντάς 700 ρομνίν. Εκτός λένταρ, αντάς ατζέ 300 ρομνίν πι κχερέστε! (1 Βασιλέων 11:3) Μπουτ ανταλέ τζουβλίνταρ ισινέ ξένες ντα πακιάνας ψεύτικε ντεβλέντε. Άρα, ο Σολομών να ντινάς καν εκχέ γιαβερέ-ντα νομόστε σο βακερέλας ότι δεν έπρεπε τι παντρίνελ ξένε τζουβλίντζαρ.​—Δευτερονόμιο 7:3, 4.

8. Σαρ προσβαλιντάς ο Σολομών ι Ιεχωβάς;

⁸ Σιγά σιγά, ο Σολομών χασαρντάς πι αγάπη για το νόμοι ι Ιεχωβάσκε. Ο αποτέλεσμας ισινέ ότι κερντάς μπουτ μπέτι πράγματα. Χτιντάς θυσιαστήρια ψεύτικε ντεβλένγκε, για την Αστορέθ ντα για τον  Χεμώς, ντα σοράν ντέλας λατρεία οντουλέ ντεβλέν γιεκ πι ρομνίντζαρ. Ο Σολομών χτιντάς ανταλά θυσιαστήρια εκχέ βεσέστε ακριβώς ανγκλάλ κι Ιερουσαλήμ, οτθέ σο χτιντάας ο ναός ι Ιεχωβάσκο! (1 Βασιλέων 11:​5-8· 2 Βασιλέων 23:​13) Ο Σολομών μπορεί τι χουχαβέλας-πες ντα τι αμντίνελας ότι, καζόμ κα κερέλας θυσίες κο ναός, ο Ιεχωβά να κα ντέλας σημασία ο αμαρτίες σο κερέλας.

9. Σο αβιλό-πες κάνα ο Σολομών να ντινάς καν κο προειδοποιήσεις κι Ντεβλέσκε;

⁹ Αλλά ποτές δεν πρέπει τι αμντίνας ότι ο Ιεχωβά να ντέλα σημασία ι αμαρτία. Η Αγία Γραφή βακερέλα: «Ο Ιεχωβά χολιασάλο μπουτ για τον Σολομώντα, επειδή λέσκο γκι νασλόας ντουρ κατά Ιεχωβά». Ο Ντεβέλ προσπαθιντάας τι βοηθίνελ-λες. Ο Ιεχωβά «σικαντάας-πες λέσκε ντούι φαρ ντα προειδοποιηντάας-λες ακριβώς ανταλέ πραγμάσκε, ότι δεν έπρεπε τι ακολουθίνελ γιαβερέ ντεβλέν. Αλλά βοβ να ντινάς καν κι εντολή κι Ιεχωβάσκι». Οτθάρ, ο Σολομών χασαρντάς ι ευλογία ντα ι βοήθεια ι Ντεβλέσκι. Ο Ιεχωβά να μουκχλάς λέσκε προσαγγονίν τι κυβερνίνεν σαρό ο τθεμ Ισραήλ, ντα τθερένας μπαρέ προβλήματα για μπουτ μπρεσά.​—1 Βασιλέων 11:​9-13.

10. Σο μπορίνελα τι χαλαβέλ αμαρί λατσσί φιλία ι Ιεχωβάσαρ;

¹⁰ Αν τραμπίνασα αμαλέν σο να αγαβένα ή να σεβάνενα ο κανόνες ι Ντεβλέσκε, κα μπορίνενας τι επηρεάνεν αμαρό τρόπος σκέψης ντα τι χαλαβέν αμαρί φιλία Ιεχωβάσαρ. Μερικοί μπορεί τι ισί πφραλά, αλλά μα τι τθερένα λατσσί φιλία ι Ιεχωβάσαρ. Γιαβερά μπορεί μα τι υπηρετίνενα ι  Ιεχωβάς, σαρ για παράδειγμας αμαρέ τζενέ, γείτονες, συμμαθητές ή τζενέ σο κεράσα λέντζαρ μπουτί. Αν αμαρέ αμαλά να τζουβντιόνα σαρ βακερένα ο κανόνες ι Ιεχωβάσκε, μπορεί τι επηρεάνεν-αμέν αζόμ μπουτ σο κα κερέν-αμέν τι χασαράς αμαρί λατσσί φιλία ι Ντεβλέσαρ.

11. Σο μπορίνελα τι βοηθίνελ-αμέν τι τραμπίνας αμαλέν;

¹¹ Διαβάνεν 1 Κορινθίους 15:​33. Ο πιο μπουτ τζενέ τθερένα μερικές λατσσέ ιδιότητες. Ντα ο τζενέ σο να υπηρετίνενα ι Ιεχωβάς μπορεί μα τι κερένα πάντα μπέτι πράγματα. Μπορεί τουμέν-ντα τι τζανένα ασακέ τζενέν. Αλλά μανγκέλα τι βακερέλ ανταβά ότι ισί λατσσί παρέα; Σαρ επηρεάνενα βον τουμαρί φιλία ι Ιεχωβάσαρ; Βοηθίνενα-τουμέν τι πλησιάνεν ι Ντεβλές; Σο ισί μπαγιά σημαντικός λένγκε; Καλέ πραγματένγκε κερένα λάφι; Μήπως κερένα λάφι πιο μπουτ για τη μόδα, ι λοβένγκε, για ηλεκτρονικές συσκευές, για τη διασκέδαση ή γιαβερέ ασακέ πραγματένγκε; Μήπως κρίνενα ι γιαβερέν; Μήπως μπεϊντίνενα τι κερέν σακάς μπέτι λαφίντζαρ; Ο Ιησούς προειδοποιηντάς: «Ο πράγματα σο πφερντιόλα λένταρ αμαρό γκι νικιόνα αμαρέ μόσταρ». (Ματθαίος 12:​34) Αν αγαβένα ότι τουμαρέ αμαλά χαλαβένα τουμαρί φιλία ι Ιεχωβάσαρ κερέν κάτι σουγκό! Μα νακχέν λέντζαρ μπουτ χρόνος, ντα αν χρειαζίντιβελα, τσσιναβέν ι παρέα λέντζαρ.​—Παροιμίες 13:20.

12. (α) Σο βακερντάς ο Ιεχωβά κο Ισραηλίτες χάνικ καιρός αφού νασλέ κατά Αίγυπτος; (β) Σο βακερντέ ο Ισραηλίτες κάνα ο Ντεβέλ μανγκλάς λένταρ τι αβέν αφοσιωμέ;

¹² Μπορίνασα τι λας μαθήματα οντουλένταρ-ντα σο αβιλέ-πες χάνικ καιρός αφού ο Ιεχωβά ελευθερωντάς ι Ισραηλιτέν κατά Αίγυπτος. Κάνα ο λαός γκιντισάλο ανγκλάλ κο βες Σινά, ο Ιεχωβά σικαντάς-πες λένγκε με μπουτ εντυπωσιακός τρόπος! Ο λαός ντικχλάς εκ καλό σύννεφος, αστραπές ντα κάδος, ντα ασουντάς βροντές ντα εκ ζουρανό βίκος σαρ οντουβά σο νικαβέλα εκ σινγκ. (Έξοδος 19:​16-19) Σοράν, ασουντέ ι Ιεχωβάς τι βακερέλ ότι ισί “Ντεβέλ σο μανγκέλα τι αβάς αφοσιωμέ σάντε λέστε”. Ντινάς πο λάφι ότι κα αβέλας αφοσιωμέ οντουλέντε σο μανγκένα-λες ντα κερένα λέσκε εντολές. (Διαβάνεν Έξοδος 20:​1-6) Ο Ιεχωβά βακερέλας κο Ισραηλίτες ότι αν κα ατσσόνας πασέ λέστε, βοβ-ντα κα αβέλας πασέ λέντε. Αν ισινένας τουμέν οτθέ, σαρ κα νιωθίνενας κάνα κα ασουνένας ο λάφια ι Ιεχωβάσκε; Σίγουρα κα βακερένας οντουβά σο βακερντέ ο Ισραηλίτες-ντα: «Σαρέ ο λάφια σο βακερντάς ο Ιεχωβά ισινάμ έτοιμοι τι κεράς-λεν». (Έξοδος 24:3) Όμως, χάνικ πιο σοράν αβιλό κάτι σο δοκιμαντάς ι αφοσίωση ι Ισραηλιτένγκι. Σο ισινέ οντουβά;

13. Σαρ δοκιμασάλι η αφοσίωση ι Ισραηλιτένγκι;

¹³ Ο Ντεβέλ σικαντάς πι ζορ με αζόμ εντυπωσιακός τρόπος σο ο Ισραηλίτες νταρασάλε. Οτθάρ, ο Μωυσής γκιλό οπρέ κο βες Σινά ντα κερντάς λάφι ι Ιεχωβάσαρ μάξους λένγκε. (Έξοδος 20:​18-21) Όμως, ο ντιβεσά νακχένας, ντα ο Μωυσής να βουρτισάλοας ατζέ κατά βες. Ντικχίντιβελας ότι ο Ισραηλίτες ατσσιλέας κορκορέ κι έρημος μπι πουμαρέ αρχηγόσκο. Σο κα κερένας; Μάλλον στηρίντιβενας μπουτ πουμαρέ αρχηγόστε, κο Μωυσής. Αρχισάλε τι ανησυχίνεν ντα βακερντέ κο Ααρών: «Κερ αμένγκε εκχέ ντεβλές σο κα τζαλ ανγκλάλ αμένταρ, σόσκε να τζανάσα σο αβιλό οντουβά Μωυσής, σο  νικαντάς-αμέν κατά Αίγυπτος».​—Έξοδος 32:1, 2.

14. Καβά λάθος πράγμας αμντίνενας ο Ισραηλίτες, ντα σο κερντάς ο Ιεχωβά;

¹⁴ Ο Ισραηλίτες τζανένας ότι ισινέ λάθος τι ντεν λατρεία κο είδωλα. (Έξοδος 20:​3-5) Αλλά μπουτ σουγκό αρχισάλε τι ντεν λατρεία εκχέ χρυσέ μοσχαρίστε! Παρόλο σο να ντινέ καν κι εντολή κι Ιεχωβάσκι, χουχαβένας πουμαρό νεαυτός ντα αμντίνενας ότι συνεχίνενας τι τσσίντεν κατά Ιεχωβά. Μάλιστα, ο Ααρών βακερντάς ότι ανταβά σο κερένας ι μοσχαρίσαρ ισινέ «γιορτή ι Ιεχωβάσκε»! Σο κερντάς ο Ιεχωβά; Βακερντάς κο Μωυσής ότι ο Ισραηλίτες “κερντέ μπαρί αμαρτία” ντα ότι νασλέας κατά ντρομ σο “ντινάας-λεν εντολή τι πφιρέν”. Ο Ιεχωβά χολιασάλο αζόμ μπουτ σο νακχλό λέσκε γκοντιάταρ ατζέ-ντα τι καταστραφίνελ σαρέ ι λαός.​—Έξοδος 32:​5-10.

15, 16. Σαρ σικαντάς ο Μωυσής ντα ο Ααρών ότι τσσίντενας σαρέ πουμαρέ γκίσαρ κατά Ιεχωβά; (Ντικχ ι φωτογραφία σο ισί κι αρχή)

¹⁵ Αλλά ο Ιεχωβά ισί Ντεβέλ σο σικαβέλα έλεος. Αντίς τι καταστραφίνελ ι Ισραηλιτέν, ντινάς-λεν ι ευκαιρία τι σικαβέν ότι μανγκένας τι τσσίντεν λέσταρ. (Έξοδος 32:​14) Κάνα ο Μωυσής ντικχλάς ότι ο Ισραηλίτες ντένας βίκος, γκιλιαβένας ντα κχελένας ανγκλάλ κο χρυσός μοσχάρι, κασταστραφιντάς-λες ντα κερντάς-λες σκόνη. Σοράν, ντινάς βίκος: «Κον τσσίντελα κατά Ιεχωβά; Τι αβέλ πασέ μάντε!» Αζομάν, «σαρέ ο Λευίτες γκιντισάλε ντονταλάι» κατά Μωυσής.​—Έξοδος 32:​17-20, 26.

¹⁶ Παρόλο σο ο Ααρών κερντάας ανταβά χρυσός μοσχάρι, μετανιωσάλο ντα τσσιντιντάς κατά Ιεχωβά γιεκ ι γιαβερέ Λευιτέντζαρ. Ανταλά αφοσιωμέ τζενέ σικαντέ ξεκάθαρα ότι να τσσιντιντέ κατά αμαρτωλοί. Κερντέ ι σωστή επιλογή, επειδή χάνικ πιο σοράν οντουβά ντιβές, χιλιάδες τζενέ σο ντινέ λατρεία κο χρυσός μοσχάρι μουλέ. Αλλά σαρέ οντουλά σο τσσιντιντέ κατά Ιεχωβά σωσάλε, ντα ο Ντεβέλ ντινάς-λεν πο λάφι τι ευλογίνελ-λεν.​—Έξοδος 32:​27-29.

17. Σο σικλιάσα οντουλένταρ σο γραφιντάς ο απόστολος Παύλος ι χρυσέ μοσχαρίσκε;

¹⁷ Καβά ισί ο μάθημας αμένγκε; Ο απόστολος Παύλος βακερντάς: «Ανταλά πράγματα αβιλέ παραδείγματα αμένγκε» για μα τι ντας «λατρεία κο είδωλα». Ο Παύλος εξηγιντάς ότι ασακέ παραδείγματα «γραφισάλε για τι προειδοποιήντιβας αμέν, σο τζουβντιάσα κο τέλος ανταλέ ντουνιάσκο. Άρα, οντουβά σο αμντίνελα ότι ατσσόλα πι πιντρέντε τι προσοχίνελ μα τι περέλ». (1 Κορινθίους 10:6, 7, 11, 12) Σαρ βακερντάς ο Παύλος, ατζέ-ντα ο υπηρέτες ι Ιεχωβάσκε κα μπορίνενας τι ανακατούντιβεν γκεραλέ πραγματέντε. Ντα μπορεί τι αμντίνεν ότι συνεχίνενα τι τθερέν ι Ιεχωβάσκι ευλογία. Αλλά εκ τζενό να τθερέλα ι Ιεχωβάσκι ευλογία απλώς επειδή μανγκέλα τι αβέλ αμάλ λέσαρ ή βακερέλα ότι ισί αφοσιωμέ λέστε.​—1 Κορινθίους 10:​1-5.

18. Σο κα μπορίνελας τι κερέλ-αμέν τι νασάς ντουρ κατά Ιεχωβά, ντα καλά κα αβένας ο αποτελέσματα;

¹⁸ Όταν ντικχίντιβελας ότι ο Μωυσής αργίνελας τι γουλίλ κατά Σινά, ο Ισραηλίτες  αρχισάλε τι ανησυχίνεν. Αν ο τέλος ανταλέ ντουνιάσκο ντικχίντιβελα αμένγκε ότι αργίνελα, αμέν-ντα μπορεί τι ανησυχίνας. Μπορεί τι αρχίνας τι σκεφτίνας ότι ο σουκάρ μέλλον σο ντινάς πο λάφι ότι κα ανέλ ο Ιεχωβά κα αργίνελ ή ότι να κα αβέλ μπαγιά, ντα ανταβά μπορεί τι κερέλ-αμέν τι τσσουβάς ο πράγματα σο μανγκάσα αμέν πιο οπρέ κατά πράγματα σο μανγκέλα ο Ιεχωβά. Αν να ισινάμ προσεκτικοί, κα μπορίναας τι νασάς ντουρ κατά Ιεχωβά ντα τι κεράς πράγματα σο ποτές να νακχένας αμαρέ γκοντιάταρ.

19. Σο δεν πρέπει τι μπιστράς ποτές, ντα σόσκε;

¹⁹ Ο Ιεχωβά μανγκέλα τι ντας-λες καν σαρέ αμαρέ γκίσαρ ντα τι ντας λατρεία σάντε λες. (Έξοδος 20:5) Σόσκε μανγκέλα-λες ανταβά αμένταρ; Επειδή μανγκέλα-αμέν. Άμα να κεράσα οντουβά σο μανγκέλα ο Ιεχωβά, κα κεράς οντουβά σο μανγκέλα ο Μπενγκ, ντα ανταβά κα κερέλ αμένγκε κακός. Ο Παύλος βακερντάς: «Να μπορίνενα τι πιν κατά ποτήρι ι Ιεχωβάσκο ντα κατά ποτήρι ι δαιμονένγκο· να μπορίνενα τι χαν κατά “τραπέζι ι Ιεχωβάσκο” ντα κατά τραπέζι ι δαιμονένγκο».​—1 Κορινθίους 10:21.

20. Σαρ μπορίνελα τι βοηθίνελ-αμέν ο Ιεχωβά, ατζέ-ντα αν κερντάμ εκ λάθος;

²⁰ Ο Κάιν, ο Σολομών ντα ο Ισραηλίτες τθερένας ι ευκαιρία τι μετανιώνεν ντα τι αλλάνεν πουμαρί συμπεριφορά. (Πράξεις 3:​19) Ισί ξεκάθαρος ότι ο Ιεχωβά να σιγκιαρέλα τι μουκχέλ ι τζενέν απλώς επειδή κερντέ εκ λάθος. Ντεν-τουμέν γκοντί ότι συγχωριντάς τον Ααρών. Αντιβές, ο προειδοποιήσεις σο ντέλα-αμέν ο Ιεχωβά με αγάπη αρακχαβένα-αμέν για μα τι κεράς λάθη. Ο Ιεχωβά χρησιμοποιήνελα ι Γραφή, αμαρέ έντυπα ντα γιαβερέ Χριστιανόν. Κάνα ντάσα προσοχή κο προειδοποιήσεις κι Ιεχωβάσκε, μπορίνασα τι αβάς σίγουροι ότι κα σικαβέλ αμένγκε έλεος.

21. Σο πρέπει τι κεράς κάνα δοκιμάντιβελα αμαρί αφοσίωση κο Ιεχωβά;

²¹ Ο λατσσιπέ ι Ιεχωβάσκο σο να αξίνασα-λες τθερέλα εκ σκοπός. (2 Κορινθίους 6:1) Ντέλα-αμέν ι ευκαιρία «μα τι αβάς τζενέ σο να τθερένα σεβασμός ι Ντεβλέσκε ντα μανγκένα ι ντουνιάσκε πράγματα». (Διαβάνεν Τίτο 2:​11-14) Ανταλέ ντουνιάστε, πάντα κα αντιμετωπίνας καταστάσεις σο δοκιμάνενα αμαρί αφοσίωση κο Ιεχωβά. Τι αβέν αποφασισμέ τι συνεχίνεν τι τσσίντεν σαρέ τουμαρέ γκίσαρ κατά Ιεχωβά, ντα τι ντεν-τουμέν γκοντί ότι “κατά Ιεχωβά τουμαρέ Ντεβλέσταρ πρέπει τι νταρέν, λες πρέπει τι υπηρετίνεν, ντα λέστε πρέπει τι αβέν αφοσιωμέ”.​—Δευτερονόμιο 10:20.