ΜΑΘΗΜΑΣ 26
Σόσκε Αβένα-πες Μπέτι Πράγματα ντα Τσσίντασα Μπουτ;
«Σόσκε;» Ισί λογικός τι πουτσέλ-λες ανταβά εκ τζενό κάνα αβέλα-πες κάτι σο πφαμπαρέλα λέσκο γκι. Σο σουκάρ σο η Αγία Γραφή απαντίνελα ανταλέ ερωτησιάτε!
1. Σο κερντάς ο Μπενγκ ντα αρχισάλε ο μπέτι πράγματα κο ντουνιάς;
Ο Μπενγκ γκιλό κόντρα κο Ντεβέλ. Ο Μπενγκ μανγκέλας τι κερέλ κουμάντος, οτθάρ επηρεαντάς ι πρώτε τζενέν, ι Αδαμίς ντα ι Ευά, για τι τζαν βον-ντα κόντρα κο Ντεβέλ. Κερντάς-λες ανταβά κάνα χουχαντάς ι Ευά. (Γένεση 3:1-5) Κερντάς-λα τι αμντίνελ ότι ο Ιεχωβά ατσσικιαρέλας λάταρ κάτι λατσσό. Πφιρνιμάσαρ βακερντάς ότι ο τζενέ κα αβένας πο ευτυχισμέ άμα να κα ντένας καν ι Ντεβλές. Ο Μπενγκ νικαντάς πι μόσταρ ο πρώτος ψέμας κάνα βακερντάς ι Ευάκε ότι να κα μερέλας. Οτθάρ, κι Γραφή, ο Μπενγκ βακέρντιβελα “ψεύτης ντα ντατ ι ψεμάσκο”.—Ιωάννης 8:44.
2. Σο τραμπιντέ τι κερέν ο Αδάμ ντα η Εύα;
Ο Ιεχωβά ντέλας αντράλ πι γκίσταρ κο Αδάμ ντα κι Εύα. Βακερντάας λένγκε ότι μπορίνενας τι χαν σαρέ κατά δέντρα κο κήπος της Εδέμ εκτός εκχέσταρ. (Γένεση 2:15-17) Βον όμως τραμπιντέ τι χαν κατά φρούτος οντουλέ δεντρόσκο. Η Εύα «λιντάς κατά φρούτος ντα χαλάς». Σοράν «χαλάς [ο Αδάμ-ντα]». (Γένεση 3:6) Καέκ κατά ντούι να ντινάς καν κο Ντεβέλ. Επειδή ο Αδάμ ντα η Εύα ισινέ τέλειοι, νικιόλας λένταρ τι κερέν ο σωστός. Αλλά αφού τραμπιντέ μα τι ντεν καν ι Ντεβλές, αμαρτιντέ ντα να μανγκλέ τι κερέλ-λεν κουμάντος. Επειδή τραμπιντέ-λες ανταβά, τσσιντιντέ μπουτ.—Γένεση 3:16-19.
3. Σαρ επηρεαντάς αμέν ανταβά σο τραμπιντέ ο Αδάμ ντα η Εύα;
Κάνα ο Αδάμ ντα η Εύα αμαρτιντέ, αβιλέ ατελείς, ντα αντικάς γκερντέ ι ατέλεια σαρέ πουμαρέ προσαγγονίντε. Η Γραφή βακερέλα: «Εκχέ τζενέσταρ [κατά Αδάμ] αβιλί η αμαρτία κο ντουνιάς ντα κατά αμαρτία ο μεριπέ, ντα αντικάς ο μεριπέ γκιλό σαρέ κο τζενέ».—Ρωμαίους 5:12.
Ισί μπουτ ο λόγοι σο τθεράσα βάσανα. Μπάζιμα τσσίντασα μπουτ σόσκε λιντάμ μπέτι αποφάσεις. Γιαβερά φαρ τσσίντασα μπουτ σόσκε ο γιαβερά λιντέ μπέτι αποφάσεις. Ντα μπάζιμα τσσίντασα μπουτ σόσκε ισινάμας λάθος τθανέστε κο λάθος σαάτι.—Διαβάνεν Εκκλησιαστής 9:11.
ΧΑΝΤΖΟΥΒ ΠΟ ΑΧΟΡΤ
Σίκλιουβ σόσκε να φταίνελα ο Ντεβέλ ι μπέτι πραγματένγκε ντα ι βασανένγκε σο ισί κο ντουνιάς αντιβές ντα σαρ νιωθίνελα κάνα τσσίντασα μπουτ.
4. Κον φταίνελα οντουλένγκε σο τσσίντασα
Μπουτ τζενέ πακιάνα ότι ο Ντεβέλ κερέλα κουμάντος ι ντουνιάς. Ισί μπαγιά ανταβά; Ντικχέν ο ΒΙΝΤΕΟΣ.
Διαβάνεν Ιακώβου 1:13 ντα 1 Ιωάννη 5:19 ντα σοράν συζητίνεν ι ερώτηση:
-
Φταίνελα ο Ντεβέλ ι μπέτι πραγματένγκε ντα οντουλένγκε σο τσσίντασα;
5. Σκέφτινε σο αβιλό-πες οτθάρ μπερί σο κερέλα κουμάντος ο Μπενγκ
Διαβάνεν Γένεση 3:1-6 ντα σοράν συζητίνεν ο ερωτήσεις:
-
Καβά ψέμας βακερντάς ο Μπενγκ;—Ντικχέν ο εδάφια 4 ντα 5.
-
Καλά πφιρνικανέ λάφια βακερντάς ο Μπενγκ κο τζενέ για τι αμντίνεν ότι ο Ιεχωβά ατσσικιαρέλας λένταρ κάτι λατσσό;
-
Σαρ κερντάς ο Μπενγκ ι τζενέν τι πακιάν ότι να τθερένα ανάγκη τι κερέλ-λεν κουμάντος ο Ιεχωβά για τι αβέν ευτυχισμέ;
Διαβάνεν Εκκλησιαστής 8:9 ντα σοράν συζητίνεν ι ερώτηση:
-
Σο αβιλό-πες κο ντουνιάς επειδή να κερέλα-λες κουμάντος ο Ιεχωβά;
-
(Α) Ο Αδάμ ντα η Εύα ισινέ τέλειοι ντα τζουβντιόνας κο Παράδεισος. Αλλά ασουντέ ι Μπενγκές ντα γκιλέ κόντρα κο Ιεχωβά
-
(Β) Σοράν κατά κόντρα, ο ντουνιάς πφερντιλό αμαρτία, ντουκχ ντα μεριπέ
-
(Γ) Ο Ιεχωβά κα νασκιαρέλ ι αμαρτία, ι ντουκχ ντα ο μεριπέ. Ο τζενέ κα αβέν πάλι τέλειοι ντα κα τζουβντιόν κο Παράδεισος
6. Ο Ιεχωβά πφαμπόλα αμένγκε σο τσσίντασα μπουτ
Πφάντελα πο γιακχά ο Ντεβέλ κάνα τσσίντασα μπουτ; Ντικχ σο γραφιντέ ο βασιλιάς Δαβίδ ντα ο απόστολος Πέτρος. Διαβάνεν Ψαλμός 31:7 ντα 1 Πέτρου 5:7 ντα σοράν συζητίνεν ι ερώτηση:
-
Σαρ νιωθίνεσα σο σικλιλάν ότι ο Ιεχωβά ντικχέλα οντουλά σο τσσίντασα ντα πφαμπόλα αμένγκε;
7. Ο Ντεβέλ κα νασκιαρέλ σαρέ ο προβλήματα σο τσσίντενα ο τζενέ
Διαβάνεν Ησαΐας 65:17 ντα Αποκάλυψη 21:3, 4 ντα σοράν συζητίνεν ι ερώτηση:
-
Σόσκε λάσα ζορ σο τζανάσα ότι ο Ιεχωβά κα νασκιαρέλ σαρέ ο μπέτι πράγματα σο νακχένα ο τζενέ;
Τζανέας-λες;
Κάνα ο Μπενγκ βακερντάς ο πρώτος ψέμας, κατηγοριντάς ι Ιεχωβάς. Βακερντάς ότι ο Ιεχωβά να κερέλα κουμάντος μανγκιμάσαρ ντα δίκαια ντα αντικάς χαλαντάς λέσκο λατσσό ναβ. Ατζεχάνικ, ο Ιεχωβά κα ντελ τέλος οντουλέντε σο τσσίντενα ο τζενέ ντα ανταλέσαρ κα νασκιαρέλ ι λατζ πι ναβέσταρ. Γιαβερέ λαφίντζαρ, κα σικαβέλ ότι βοβ κερέλα κουμάντος πο λατσσές σαριλένταρ. Εκ κατά πο σημαντικά πράγματα κο σύμπαν ισί τι αβέλ πάκι ο ναβ ι Ιεχωβάσκο.—Ματθαίος 6:9, 10.
ΜΕΡΙΚΑ ΤΖΕΝΕ ΒΑΚΕΡΕΝΑ: «Ο Ντεβέλ ανέλα αμένγκε ο βάσανα για τι δοκιμάνελ-αμέν».
-
Τούι, σο κα βακερέας;
ΧΑΝΙΚ ΛΑΦΙΝΤΖΑΡ
Ο Μπενγκ ντα ο ντούι πρώτα τζενέ φταίνενα πο μπουτ σαριλένταρ ι μπέτι πραγματένγκε σο αβένα-πες κο ντουνιάς. Ο Ιεχωβά πφαμπόλα αμένγκε σο τσσίντασα μπουτ ντα ατζεχάνικ κα νασκιαρέλ σο-ντα ανέλα αμένγκε ντουκχ.
Σο Σικλιλάν;
-
Καβά ψέμας βακερντάς ο Μπενγκ κι Εύα;
-
Σαρ επηρεασάλαμ σαρέ κατά Αδάμ ντα κατά Εύα κάνα γκιλέ κόντρα κο Ντεβέλ;
-
Σαρ τζανάσα ότι ο Ιεχωβά πφαμπόλα αμένγκε σο τσσίντασα μπουτ;
ΡΟΝΤΕ
Σίκλιουβ σο ισί αμαρτία σαρ βακερέλα η Γραφή.
Διάβανε πο μπουτ οντουλέσκε σο βακερντάς ο Μπενγκ κο κήπος της Εδέμ.
«Σόσκε Μουκχέλα ο Ντεβέλ τι Τσσίντας Μπουτ;» (Η Σκοπιά 1 Ιανουαρίου 2014)
Ντικχ καζόμ λοκχιόλα αμαρό γκι κατά απαντήσεις ι Γραφιάκε εκχέ δύσκολε ερωτησιάτε.
«Σόσκε Μουκχλάς ο Ντεβέλ τι Μερέν Εκατομμύρια Εβραίοι;» (Θέμας κο ιστότοπος)
Ντικχ σο σικλιλό εκ τζενό ι προβληματένγκε σο ντικχέλας τι αβέν-πες.