Koman protèj amoin si mi lé arselé séksuèlman ?

ÉKOUT AN

Sak la Bib i di

Ala detroi konsèy saj é util pou nou ke i sort dan la Bib :

Mont ke zot lé la pou travay. Fé bon manièr é mont ke ou néna réspé a pou out bann kamarad travay, mé fé atansion ke out bann jès é out parol i lès antann ke ou lé intérésé par zot propozision séksuèl (Matieu 10:16 ; Kolosien 4:6).
Mèt bann linj ke lé korèk. Bann linj tro kourt oubien moulan, i fé pas in mové mésaj. La Bib i konsèy abiy anou « in fason sinp é avèk bon sans » (1 Timoté 2:9).
Choizi bien zot kamarad. Désèrtin madam i aksèp, ou i ièm bien fé drag azot oubien i ièm kan i fé azot bann propozision séksuèl. Si ou retrouv souvan avèk bann domoun komsa, riskab lé posib ke se bann domoun la, i aji parèy ansanm ou (Provèrb 13:20).
Aksèp pa bann kozman vulgèr. Si in diskusion i dérap su bann « kozman vulgèr, bèt ou sal », rès pa la (Éfézien 5:4, Bible en français courant).
Mèt pa ou dan bann situasion danjereu. Par égzanp, fé atansion si i invit aou travay in pe plus apré out journé, san in bon rézon (Provèrb 22:3).
Gard out pozision é di sak ou pans. Si in moun i arsèl aou séksuèlman, pas pa par kat chemin pou ésplik le mesieu ki fé sa (ou le madam) ke son konportman i jèn aou (1 Korintien 14:9). Par égzanp, ou pouré di ali : « Ou frol amoin toultan, mi ièm pa sa dutou. Mi ve ke ou arèt sa. » Ou pouré osi ékri ali in lèt pou di ali sèk la éspasé, sak ou la resanti é le fason ke ou voudré ke li konport ali a partir. Fé bien konprann ali ke out pozision lé bazé su sak lé bon ou mové é out bann kroiyans relijieu (1 Tésalonisien 4:3-5).
Fé èd aou. Si i kontinu arsèl aou, di out fon d’kèr avèk in vré kamarad, in moun dan out fami oubien in kamarad travay ke ou na konfians oubien avèk in moun ke na labitud èd sak la subi bann zafèr komsa (Provèrb 27:9). An plus, sak la pas par la, la gingn rékonfor gras la priyèr. Mèm si ou la jamé priyé, dout pa su lèd ke Jéova i pe aport aou, « le Bondieu ki donn tout konsolasion » (2 Korintien 1:3).