1. Ursarisha ñaupagma catishunchi.

Diospa Shimi Bibliamanda yachachishunchi.

Shungumanda Jehova Diospi quirisha,

tucui uras cuintashun.

Jesus shina tucui runata

cushiyasha yachachishunchi.

Tucui shunguhuan Diosta sirvicpiga

pai bendiciai tucushun.

2. Sinzhiyasha ñaupagma catishunchi.

Tucui partigunai Bibliamanda cuintanchi.

Jehova Dios munashcata pactachisha,

mana sambayashunzhu.

Maicanguna yapa piñacpis,

Jehova Diosta mana saquishun.

Caran huasigunaibi yachachisha,

shungumanda sirvinchi.

 3. Cushiyasha ñaupagma catishunchi.

Bibliamanda sumacta yachachic ashunchi.

Diospa samai alita yanapacpi,

yachachisha catishun.

Ali shungu runagunata

visitasha catina manchi.

Paigunaga Jehova Diosta quirisha,

quishpiringaunachari.