6. Pachantinpi Diosmanta willakun
6. Pachantinpi Diosmanta willakun
“Diospa gobiernonmanta allin willakuykunan pachantinpi willasqa kanqa” (MATEO 24:14)
● Vaiatea sutiyoq warmiqa Tuamotú (Océano Pacífico) nisqapi tarikuq jujnin islapin tiyan. Tiyasqan ladopiqa yaqa 80 juch’uy islachakunan kashan, chaykunan 803.000 kilómetros jinapi mast’arisqa kashan, chaypitaqmi 16.000 jinalla runakuna tiyanku. Chaywanpas Jehová Diospa testigonkunaqa visitarqankun chay señorata vecinonkunatapas. ¿Imaynapin chay karutaraq chayarqanku? Paykunaqa Diospa gobiernonmanta allin willakuykunatan llapa runaman apayta munanku, maypiña tiyanku chaypas.
¿IMATAN WILLAKUYKUNA RIKUCHIN? Diospa gobiernonmanta willakuykunaqa kay pachaq k’uchunkunakamaraqmi chayan. Ejemplopaq, 2010 watallapin Testigokunaqa 1.600 millón más horakunata ruwarqanku runakunaman yachachispa, 236 nacionkunapi. Chayqa 30 minutostapas sapanka Testigo runakunaman sapa p’unchay yachachinman jinan. 2000 watamanta 2009 watakamaqa 20.000 millón más qelqakunatan runakunaman yachachispa rakimurqanku.
JUJKUNAN NINKU: Bibliamanta yachachikuykunaqa waranqa-waranqa watakunañamá runakunaman willakushan.
¿CHEQAQCHU CHAY NISQANKU? Askha runakunan Bibliamanta willakuykunata juj runakunaman apanku. Ichaqa yaqa llapankun juj tiempolla wakin llaqtallapi willarqanku. Jehová Diospa testigonkunan ichaqa organizakurqanku mundontinpi willanankupaq, chhaynapitaqmi millonninpi runakunaman chayashanku. Testigokunaqa manan pisiparankuchu atiyniyoq runakunaq, autoridadkunaq sinchi qatiykachasqanña, jark’asqanña karqanku chaypas (Marcos 13:13). * Chaymantapas Testigokunaqa tiemponkutan t’aqanku runakunaman yachachinankupaq qelqakunata qonankupaqpas; chaykunataqa gratisllan ruwanku. Chay llank’ayninkuqa sonqomanta donacionkunallawanmi apakun.
¿IMA NIWAQTAQ? ¿Pachantinpichu Diospa gobiernonmanta allin willakuykuna willakushan? Kay profeciaq cumplikusqanwan, ¿suyakusunmanchu jamuq tiempopi allin kausay chayamunanta?
[Willakuy]
^ párr. 6 Astawan yachayta munanki chayqa, kay videokunata qhaway: Los testigos de Jehová: fieles ante las pruebas, Los triángulos púrpuras, Los testigos de Jehová se mantienen firmes ante el ataque nazi. Chaykunataqa Jehová Diospa testigonkunan ruwan.
[Willakuy]
“Noqaykuqa willashallasaqkun allin willakuykunata, Diospa munayninman jina. Chaypaqqa tukuy atisqaykutan ruwasaqku runakunaman chayanaykupaq” (ANUARIO DE LOS TESTIGOS DE JEHOVÁ 2010)