Diosmi Bibliapi runakunaman willan imachus munasqanta. Chayraykun Bibliataqa Diospa simin nikun. Chaypin willashan kusisqa kausanapaq ima ruwananchista, Diosta imayna kusichinamantawan. Jinaspapas kay tapuykunamantan rimashan:

Bibliapiqa 66 librokunan kashan, iskaypin t’aqasqa kashan: hebreo, arameo rimaypi librokuna, griego rimaypi librokunapiwan. Wakin runakunaqa Antiguo Testamento, Nuevo Testamento nillankutaqmi. Bibliapi tarikuq librokunaqa capitulokunapin t’aqasqa kashan, capitulokunataq versiculokunapi. Bibliapi juj textota tarinapaqqa ñaupaqtan rijurin libroq sutin, qatiqninpitaq capítulo, chaymantataq versiculokuna. Yachanapaq qhawarisun “Génesis 1:1” textota: Chayqa Génesis libro, 1 capítulo, 1 versículo ninanmi.