JW Library nisqaqa yanapasunkim bibliata leenaykipaq hinaspa estudianaykipaq.

Kaypi yanapakuykunata servichikuspayki bibliata hurquspayki munasqaykiman hina churay:

 ¿Imaynatam bibliata hurquna?

Achka bibliakunatam hurquruwaq mana internetllawanña estudianaykipaq.

  • Chaypaqqa tabletnikipi ichuq lawmanta alliq lawman dedoykiwan chutay hinaspa biblia niqpi ñitiy.

  • Hinaptinmi bibliapa libronkuna rikurimunqa. Kayna dibujochapi ñitiy huk rimaykunapi bibliakuna lluqsimunanpaq. Hanaynin lawpim rikurin sapa kuti ima rimaypi leesqayki bibliakuna. Qillqawaqtaqmi maskasqayki bibliapa sutintapas utaq ima rimaypi kasqantapas. Qillqawaqmi “i-n-t” niqta Kingdom Interlinear bibliata tarinaykipaq utaq “p-o-r-t” niqta portugués rimaypi bibliakunata tarinaykipaq.

  • Manaraq hurqusqayki bibliakunaqa waqtanpi puyu dibujochayuqmi kachkan. Hurquy munasqayki bibliapa hawanpi ñitiy. Hinaspa suyachaykuy rayacha huntanankama. Yapamanta ñitiykuspaqa chay bibliataqa leewaqñam.

Munasqayki bibliata mana tarispaykiqa yapapiña kaqlla maskay. Huk rimaykunapipas lluqsiramuptinqa chaypim rikurinqa.

 ¿Imaynatam bibliata chinkachina?

Manaña servichikunaykipaq kaq bibliataqa chinkarachiwaqmi utaq chaypa rantinpi huktaña hurqunaykipaqpas.

Chaypaqqa patanpi kimsa puntochakunata ñitiy...hinaspa Borrar niqpi ñitiykuy.

 ¿Imaynatam musuqmanta hurquna?

Wakinpiqa ichapas hurqusqayki biblia allichasqaña kasqanrayku musuqmanta hurqunaykipaq sutilla rikurinqa.

Allichasqa kaq bibliakunaqa sutillam kachkan patachanpi ruyru flechachayuq. Chaypi ñitiykuptikim hurqunaykipaq willakuy rikurimunqa. Chay ratulla musuq kaqta hurqunaykipaqqa descargar ahora niqpi ñitiy, manachayqa descargar después niqpi ñitiy.

Kay yanapakuykunaqa 2015 watapa febrero killanpim lluqsimurqa JW Library 1.4 nisqawan, chayqa tupanmi Android 2.3 nisqawan chay qipaman lluqsimuqkunawanpas. Chay yanapakuykunata mana tarispaykiqa, ama hina kaspa qaway: “JW Library nisqata servichikusun (Android)” nisqa yachachikuypi lluqsimuqta. Chaypim kachkan Chayllaraq lluqsimuqkuna niq.