JW LIBRARY
Leenaykipaq munasqaykiman hina churay (Android)
JW Library nisqapi sumaqta leenaykipaqqa kachkanmi achka yanapakuykuna. Chaykunaqa ima qillqatapas leeptillaykim tabletnikipa hanay alliq lawninpi rikurimun.
Wakin yanapakuyman yaykuyta munaspaykiqa ñitiwaqmi kimsa puntochakunapi.
Kay yanapakuyta servichikunaykipaq qatiqninpi nisqanman hina ruway:
¿Imaynatam huk rimayman churawaq?
Leesqayki qillqataqa huk rimaymanmi churayta atiwaq.
Chaypaqqa ñitiy kayna dibujochapi hinaptinmi rikurimunqa chay leesqayki qillqa ima rimaykunapi kasqan. Qallariyllanpim rikurichkan ima rimaykunata sapa kuti astawan akllasqayki. Chaypitaqmi kachkan chaylla entiendenapaq Atalaya qillqapas. Qillqawaqtaqmi maskasqayki rimaypa sutintapas.
Manaraq servichikusqayki rimaykunaqa waqtachanpi puyu dibujochayuqmi kachkan. Ima rimaypi qillqakuna hurquy munasqaykipa hawanpi ñitiy hinaspa suyachaykuy rayachan huntanankama. Kaqmanta ñitiykuspaqa chay qillqataqa leewaqñam akllasqayki rimaypi.
¿Imaynatam sayayninta munasqaykiman hina churawaq?
Letrakunapa sayaynintaqa munasqaykiman hinam churawaq.
Chaypaqqa kimsa puntochakunata ñitiy hinaspa Formato de la letra niqta ñitispa dedoykiwan chutay imayna sayayniyuq letrakuna kananpaq. Imayna sayayniyuq kananpaq akllasqaykiman hinam lliw qillqakuna kanqa.
¿Imaynatam fotota hina chaynataq letrallapipas churawaq?
Wakin qillqakunataqa qawawaqmi fotota hina chaynataq letrallapipas. Mayqanninpipas qawayta munaspaykiqa kaypi rikurimuq dibujochatam ñitinayki.
Fotota hinalla qawaspaykiqa qawankim imayna papelpi kasqanman hina. Chaymi wakinqa takikunata sumaqta takinankurayku chaynapi qawayta munanku.
Kay rayachakunata ñitiykuptikiqa leenaykipaqmi bibliapa textonkuna lluqsimunqa imayna sayayniyuq letra kananpaq akllasqaykiman hina.
¿Imaynatam servichikuwaq “Abrir en...” nisqanta?
Tabletnikipa hanay alliq lawninpi kimsa puntochakunapi ñitiykuspayki
Ñitiytaq Abrir en... niqta, hinaptinmi Abrir en BIBLIOTECA EN LÍNEA niq rikurimunqa. Chayta ñitiykuptikim chay leesqayki qillqapuni kichakurunqa BIBLIOTECA EN LÍNEA Watchtower nisqanpi.
¿Imaynatam bibliakunata munasqaykiman hina churawaq
Leesqayki qillqapi rikuriq bibliapa textonta ñitiykuptikim waqtachanpi kichakuykunqa leenaykipaq. Uray patanpi Personalizar niqta ñitiykuspaykiqa atiwaqmi huk rimaypi hurqusqayki bibliakunatapas leenaykipaq churayta. Waqtachanpi puka ruyrucha kaptinqa leenaykipaqmi rikurimunqa, verde ruyrucha kaptinqa manam rikurinqachu.
Mayqan bibliapas puntapi rikurinanta munaspaykiqa waqtachanpi kaq kimsa rayachakunapa hawanpi dedoykiwan ñitispa hanayman chutay.
Qaway “Bibliata hurquspayki munasqaykiman hina churay (Android)” niq yachachikuyta qaway JW Library nisqanpi huk bibliakunata churanaykipaq.
Kay yanapakuykunaqa 2015 watapa febrero killanpim lluqsimurqa JW Library 1.4 nisqawan, chayqa tupanmi Android 2.3 nisqawan chay qipaman lluqsimuqkunawanpas. Chay yanapakuykunata mana tarispaykiqa, ama hina kaspa qaway: “JW Library nisqata servichikusun (Android)” nisqa yachachikuypi lluqsimuqta. Chaypim kachkan Chayllaraq lluqsimuqkuna niq.
