Jesuspa wañukusqanta yuyarinapaq
Domingo 24, marzo 2024
Jesuspa kamachisqanman hinam Jehova Diospa testigonkunaqa sapa wata huñunakuniku wañukusqanta yuyarinaykupaq. Jesusmi wañukusqanta yuyarinapaq kaynata nirqa: “Hinallayá kayta ruwaychik ñuqata yuyariwaspa”, nispa (Lucas 22:19).
Munaymankum kay huñunakuyman hamunaykita.
Imakunamanta yachay munasqankumanta:
¿Hayka unaytaq chay huñunakuyqa kanqa?
Yaqa huk horam kanqa.
¿Maypitaq kanqa?
Tapuykuy yachasqayki lawpi Jehova Diospa testigonkunata.
Chay huñunakuyqa, ¿qullqipaqchu?
Manam.
Chay huñunakuypiqa, ¿mañankuchu qullqita?
Manam, Jehova Diospa testigonkunapa huñunakuyninkupiqa manam haykapipas qullqitaqa mañankuchu.
¿Imayna pachayuqtaq chay huñunakuyman rina?
Manam achka qullqipa chanin pachawanchu churakuna, aswanqa limpio hinaspa sumaq pachawanmi. Bibliapa nisqanman hinaqa Jehova Diospa testigonkunaqa respetanapaq hinaspa hukkunata mana hukmanyachinapaq hina pachakunapaqmi kallpanchakuniku (1 Timoteo 2:9).
¿Imatam chay huñunakuypi ruwaniku?
Huñunakuyta qallarinapaqmi takiniku, chaymantam huk iñiqmasiyku Diosta llapallaykupaq mañakun. Chaymantañataqmi Jesuspa wañukusqanmanta yachachikuyta uyariniku. Chay yachachikuypim willawanku Jehova Dioswan churin Jesucristo imakunata ñuqanchikrayku ruwasqankumanta. Tukunapaqñataqmi kaqmanta takiniku hinaspa Diosta mañakuniku.
Astawan yachayta munaspaykiqa leewaqmi “¿Imanasqataq Jehova Diospa testigonkunaqa Jesuspa santa cenanta mana wakin runakuna hinachu yuyarinku?” niqta.
Kaykunatapas leeykuy
JESUSPA WAÑUKUSQANTA YUYARINAPAQ
Jesuspa wañukusqantayá yuyarisun
Munaymankum chay huñunakuypi kanaykita. Chaypim yachanki imanasqa Jesuspa wañukusqan qampaq hinaspa aylluykipaq ancha allin kasqanta.
BIBLIAPA ANCHA ALLIN YACHACHIKUYNINKUNA
¿Imanasqataq Jesusqa wañukurqa?
Bibliapiqa Jesuspa wañukusqanmantam achka kutita riman. Wañukusqanqa, ¿imamantapas yanapawachwanchu?