Jesucristopa wañukusqanta yuyarinapaq
Kay 2026 watapiqa jueves 2 de abriltam kanqa
Jehova Diospa testigonkunaqa watapim huk kutillata Jesuspa wañukusqanta yuyariniku, kikin Jesus “hinallayá kayta ruwaychik ñuqata yuyariwaspa” nispa kamachiwasqanchikrayku (Lucas 22:19).
Munanikum kay sumaq huñunakuyman familiaykipiwan hamunaykita.
Yachanaykipaq:
¿Pikunataq hamunmanku?
Pipas hamunmanmi. Aylluykiwanpas hamuwaqmi.
¿Hayka unaytaq chay huñunakuyqa kanqa?
Señorninchik Jesucristopa wañukusqanta yuyarinapaq huñunakuyqa yaqa huk horallam kanqa.
¿Maypitaq kanqa?
Maypipuni kananta yachanaykipaq Jehova Diospa testigonkunata tapukuy.
¿Pagaspachu chay huñunakuymanqa yaykuna?
Manam, mana qullqillawanmi.
Chay huñunakuypiqa ¿mañankuchu qullqita?
Manam. Jehova Diospa testigonkunapa huñunakuyninkupiqa manam haykapipas qullqitaqa mañankuchu (Mateo 10:8).
¿Imayna pachayuqtaq chay huñunakuyman rina?
Ima huñunakuymanpas rinayki pachaykiwanmi riwaq. Chaymi Jehova Diospa testigonkunaqa chay sumaq huñunakuypaq hina pachakuniku.
¿Imaynataq señorninchik Jesucristopa wañukusqanta yuyarinapaq huñunakuyqa?
Huñunakuy qallariytam hinaspa tukuytam takiniku, chaymantam huk iñiqmasiyku Diosta llapaykupaq mañakun. Chaymantañataqmi huk iñiqmasiyku ñawpaqmanta bibliawan yachachimun Jesuspa wañukusqan imanasqa ancha allin kasqanmanta. Chay yachachikuypim willawanku Jehova Dios hinaspa churin Jesucristo kuyawasqanchikrayku ñuqanchikpaq imakuna ruwasqankumanta chaynataq chayta chaskikunapaq imata ñuqanchikpas ruwananchikmanta.
Astawan yachayta munaspaykiqa internetpi leey “¿Imanasqataq Jehova Diospa testigonkunaqa Jesuspa santa cenanta mana wakin runakuna hinachu yuyarinku?” niq yachachikuyta.
Qatiqnin watakunapiqa, ¿haykapitaq señorninchik Jesucristopa wañukusqanta yuyarisun?
2026 watapi: Jueves punchaw 2 de abril.
2027 watapi: Lunes punchaw 22 de marzo.
Kaykunatapas leeykuy
JESUSPA WAÑUKUSQANTA YUYARINAPAQ
Jesuspa wañukusqantayá yuyarisun
Munaymankum chay huñunakuypi kanaykita. Chaypim yachanki imanasqa Jesuspa wañukusqan qampaq hinaspa aylluykipaq ancha allin kasqanta.
BIBLIAPA ANCHA ALLIN YACHACHIKUYNINKUNA
¿Imanasqataq Jesusqa wañukurqa?
Bibliapiqa Jesuspa wañukusqanmantam achka kutita riman. Wañukusqanqa, ¿imamantapas yanapawachwanchu?
HUK YACHACHIKUYKUNA
¿Yanapawachwanchu señorninchik Jesucristopa wañukusqan?
¿Ima iskay yachachikuykunatam Jesus yachachiwarqanchik wañukuynin yanapawananchikmanta?
ÑUQAYKUMANTA
Huñunakuyniykuman hamuy
Huñunakuyniyku imayna kasqanmanta astawan yachay. Yachasqayki lawpi maypi huñunakusqaykumantapas kaypi maskay.