“Aramas akan Pahn Kauwehla Sampah Wet?”

● Kilang sang nan wehwe, sampah kin duwehte takai kesempwal ehu me poh mei oh pwetepwet. Ahpw ma ke karanih oh kasawih, ke pahn kilang me sampah wet mi nan apwal. Dahme kahrehda? Pasapengo sansal: Aramas akan kaidehn towe mwahu kei. Patehng met, irail kin kauwehla sampah kaidehn ihte sang ni arail kin kasaminehla, pelehdi tuhke kan, oh doadoahngki ni sapwung, ahpw pil sang ni arail tiahk suwed kan me duwehte tiahk lemei, kamaramas oh wiewia samin kan. Soangen wiewia pwukat kin ireirailsang ahneki nanpwungmwahu rehn Koht.

Paipel kohpada irair kansensuwed wet mpen sounpar 2,000 samwalahro. (2 Timoty 3:1-5; Kaudiahl 11:18) Paipel pil kohpada me Koht, kaidehn aramas, pahn ketin kapwungala kahpwal pwukat. Kapahrek ehu me oaralap “Aramas akan Pahn Kauwehla Sampah Wet?” pahn koasoia ire kesempwal pwukat. Kapahrek wet pahn wiawi nan Mihting Tohrohr en Sounkadehdehn Siohwa kan me oaralap koasoia “Wehin Koht en Pweida!” Mihting tohrohr wet pahn wiawi tepida nan May nan Amerika oh doula nan sahpw teikan nan sampah pwon.

Luhk kohwong komwi en iang towehda mihting tohrohr wet. Pwe ken ese oaritik kan me pid mihting tohrohr wet, menlau tuhkihong Sounkadehdehn Siohwa kan de ntinglahng pwihn me kin wiahda pwuhk wet.