Job 35:1-16
35 Elihu gohed for story olsem:
2 “Hao, iu barava sure dat iu nao iu stret dastawe iu sei,‘Mi raeteous winim God’?+
3 Bikos iu sei, ‘Why nao iu* warim diswan?
Hao, mi kasem eni gud samting bikos mi no duim sin?’+
4 Mi bae ansarem iuAnd olketa fren+ blo iu tu.
5 Luk go ap lo skae and lukim,Lukluk lo olketa cloud,+ wea stap barava hae from iu.
6 Sapos iu duim sin, hao, datwan spoelem hem?+
Sapos iu duim staka rong samting, hao nao datwan affectim hem?+
7 Sapos iu raeteous, wat nao iu givim lo hem?
Wat nao hem kasem from iu?+
8 Wicked samting wea iu duim hem affectim nomoa man olsem iu,And raeteous samting wea iu duim hem affectim nomoa olketa man.
9 Pipol krae taem olketa barava safa.
Olketa krae for help bikos lo rul* blo paoaful pipol.+
10 Bat no eniwan sei, ‘Wea nao God, Nambawan Man wea Wakem mi,+Wea mekem pipol for singim olketa song blo praise lo naet?’+
11 Hem teachim iumi+ mekem iumi wise winim olketa animal lo earth,+And hem mekem iumi wise winim olketa bird lo skae.
12 Pipol krae for help bat hem no ansarem olketa,+Bikos lo praod fasin blo wicked pipol.+
13 Tru nao, God no herem iusles krae.*+
Olmaeti nating lisin lo datwan.
14 So haomas moa taem iu komplen and sei iu no lukim hem!+
Case blo iu hem stap front lo hem, so iu shud patient and weit for hem.+
15 Bikos hem no kros and kotem iu.
And hem no tingim tu olketa karangge toktok blo iu.+
16 Job hard waka nating nomoa for openem mouth blo hem.
Hem talem staka toktok bat hem no savve lo full story.”+
