Job 26:1-14

  • Ansa blo Job (1-14)

    • “Iu nomoa savve helpem man wea wik!” (1-4)

    • ‘God hangem earth lo air nomoa’ (7)

    • ‘Tu-thri samting nomoa wea God duim’ (14)

26  Job sei lo hem:  2  “Iu nomoa savve helpem man wea wik! Iu nomoa savve sevem hand wea no garem eni strong!+  3  Iu nomoa savve givim best advaes lo man wea no wise!+ Iu nating hol bak for storyim wisdom blo iu* lo staka pipol!  4  Iu trae for story lo hu ia,And wea nao iu tekem kaen toktok olsem?*  5  Olketa wea dae finis wea no garem paoa olketa fraet fogud. Olketa stap lo ples wea low winim wata and evri animal wea stap insaed.  6  Grev* hem naked lo eye blo God,*+And Hem lukim tu ples wea body hem distroe.*  7  Hem spredim aot skae lo north ovarem emti spes,*+Hem hangem earth lo air nomoa.  8  Hem pasolem olketa wata insaed lo olketa cloud blo hem,+Mekem olketa cloud hia no bosta nomata olketa hevi.  9  Hem blokem throne blo hem mekem no eniwan lukim,Hem kavarem datwan witim cloud blo hem.+ 10  Hem putim spialaen* between skae and sea.+ Hem putim spialaen between laet and darkness. 11  Olketa post blo skae seksek. Olketa seke lo strongfala toktok blo hem. 12  Hem mekem sea for raf witim paoa blo hem,+And bikos lo wisdom blo hem, hem pisisim big animal lo sea.*+ 13  Hem mekem skae for klia witim brith* blo hem. Hand blo hem spiarim snek wea muv fast tumas. 14  Lukim! Diswan hem tu-thri samting nomoa wea hem duim.+ Lelebet samting nomoa iumi herem abaotem hem! So hu nao savve minim paoaful thunder blo hem?”+

Olketa footnote

^ Or, “wei wea iu duim wise samting.”
^ Lit., “And brith (spirit) blo hu nao kamaot from iu?”
^ Or, “Sheol.” Diswan hem grev blo olketa man. Lukim “Grev” lo Dictionary.
^ Lit., “hem.”
^ Or, “And Hem lukim Abaddon leidaon naked lo there.”
^ Lit., “emti ples.”
^ Lit., “wanfala circle.”
^ Lit., “Rahab.”
^ Or, “wind.”

Copyrights for disfala pablikeson