Job 17:1-16
17 “Strong blo mi hem finis, olketa day blo mi hem no staka.
Grev hem weitim mi.+
2 Pipol for tok spoelem man kam raonem mi,+And eye blo mi evritaem lukim* bighed wei blo olketa.
3 Plis acceptim security blo mi, and keepim witim iu.
Hu moa bae sekhand witim mi and givim security on behalf lo mi?+
4 Bikos iu haedem wei for luksavve from heart blo olketa.+
Dastawe iu no mekhae lo olketa.
5 Olketa hia laek for sharem wanem olketa garem witim olketa fren blo olketa,Nomata eye blo olketa pikinini blo olketa no savve lukluk gud bikos olketa hangere.
6 God mekem mi kamap samting wea pipol mekfani lo hem,*+Mekem mi kamap samwan wea olketa spit lo feis blo mi.+
7 From mi safa tumas eye blo mi no klia nao,+And tufala hand and leg blo mi thin tumas.
8 Pipol wea duim stret samting sapraes and lukluk strong lo diswan,And man wea innocent feel nogud lo pipol wea wicked.*
9 Raeteous man bae gohed duim samting wea raeteous,+And man wea hand blo hem klin hem kamap strong.+
10 Bat iufala evriwan savve kam and gohed moa lo story blo iufala,Bikos kam kasem distaem mi no lukim eniwan lo iufala hem wise.+
11 Olketa day blo mi hem klosap finis.+
Olketa plan blo mi, olketa samting wea heart blo mi laekem, hem nomoa nao.+
12 Olketa gohed changem naet for kamap day,Olketa sei, ‘Ating laet hem klosap bikos hem dark.’
13 Sapos mi weit, Grev* bae kamap haos blo mi.+
Lo there mi bae redyim ples for mi sleep lo dark.+
14 Mi bae tok olsem lo grev,+ ‘Iu dadi blo mi!’
Lo maggot, ‘Iu mami and sista blo mi!’
15 So, wea nao hope blo mi?+
Hao, eniwan lukim dat mi garem hope tu?
16 Hem* bae go daon lo olketa gate* blo Grev*Taem iumi evriwan go daon tugeta insaed lo dust.”+
