Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  August 2016

 ONS CHRISTELJET LÄWEN

De Woarheit lieren

De Woarheit lieren

Von Septamba aun woat en daut Schoolheft fa Läwen un Deenst eene niee Sort Enleidungen sennen met dän Nomen: “De Woarheit lieren”. Dee sent doatoo, daut wie de Menschen eene Gruntlia von de Schreft utlajen kjennen met eene Froag un eenen Bibelvarsch.

Wan doa wäa intressieet es, dan kjenn wie dän waut toom läsen loten ooda von jw.org een Video wiesen toom dänjanjen fa daut näakjste Mol enjankren. Daut wudd goot sennen, de Wadabesuchs een poa Doag wieda to moaken, ea dee vejäten, von waut wie jerät haben. De niee Enleidungen un de Oppgowen fa de Schiela stetten sikj opp de Teemasch von daut Schreft-lieet-Buak. Wan eena bie de Wadabesuchs un Bibelstudiums dan bloos de Schreft brucken well, dan kaun eena sikj von daut Buak noch mea Bibelvarzh rutnämen.

Daut jeft mau eenen Wajch, dee toom Läwen fieet (Mat 7:13-14). Oba wiels de Menschen gaunz veschieden sent un uk veschiednet jleewen, mott wie met jieda eenem äwa soont von de biblische Woarheit räden, waut fa dänjanjen paussent es (1Ti 2:4). Wan wie ons doarenn eewen, äwa veschiedne biblische Teemasch to räden un “daut Woarheits Wuat rajcht [to] lieren”, dan woa wie mea Freid haben un aundre fein kjennen de Woarheit lieren (2Ti 2:15).