Trigj nom Enhault

No daut Unjamenu gonen

No de Enhaultslist gonen

Jehova siene Zeijen

Plautdietsch

Ons christeljet Läwen un Deenst – Schoolheft  |  August 2016

 ONS CHRISTELJET LÄWEN

Ons em Prädichtdeenst vebätren: De Bibelstudiums halpen, daut see sikj kjennen Gott hanjäwen un deepen loten

Ons em Prädichtdeenst vebätren: De Bibelstudiums halpen, daut see sikj kjennen Gott hanjäwen un deepen loten

WUAROM DAUT JEDONEN SAUL: Daut Jehova dee, waut de Bibel studieren, aunnämen kaun, motten dee sikj am hanjäwen un deepen loten (1Pe 3:21). Wan dee dan soo läwen, aus see Jehova daut vesproaken haben, dan woaren dee em jeisteljen beschizt (Ps 91:1-2). Christen jäwen sikj Jehova han, nich eenen Mensch, een Woakj ooda eene Organisazion. Doawäajen motten de Bibelstudiums lieren, Gott to leewen un am dankboa to sennen (Ree 14:7-8).

WOO EENA DAUT DOONEN KAUN:

  • Wan jie waut studieren, dan moak daut kloa, waut eenem daut von Jehova sajcht. Wies, woo wichtich daut es, jieda Dach de Bibel to läsen un aunhoolent to Jehova to bäden (1Tess 5:17; Jak 4:8)

  • Rod dänjanjen too, doaropp to schaufen sikj Gott hantojäwen un deepen to loten. Halp dän uk, en kjlandre Stekjen verauntokomen, biejlikj enne Vesaumlunk Auntwuaten to jäwen ooda de Nobasch un Oabeitspoatna to prädjen. Hool oba em Denkj: Jehova bemott kjeenem, am to deenen. Jieda eena mott selfst entscheiden, aus dee sikj am hanjäwen well (5Mo 30:19-20)

  • Spräakj dän Moot too, daut to endren, waut doa needich es, daut dee Jehova jefaulen un sikj deepen loten kaun (Spr 27:11). Jewesset Vehoolen un Jewanheiten kjennen sea en eenen Mensch bennen sennen, doawäajen mott eenje veleicht lenja jeholpen, von dän oolen Mensch loostokomen un niee Menschen to woaren (Ef 4:22-24). Wies dän uk de Artikjel “Die Bibel hat ihr Leben verändert”, waut emma wada em Wachtturm sent

  • Vetal dän doavon, waut du fa goodet beläft hast, wiels du Jehova deenst (Jes 48:17-18)