Ngtechang a King er a Rengedel a Dios?
A Dios a ulemekrael er a rebebil milluches er a Biblia me te liluches a komakai el tekoi el ngosukid el mo medengelii Ngike el mo King er a Rengedel a Dios. E ngika el Merreder a
-
Ngellitel er a Dios. “Ak mla dolemii a king er ngak. . . . Ak mo meskau a rokui el beluu; ma beluulchad el rokir a mo kloklem.”—Psalm 2:6, 8.
-
Mei lokiu a klengelakel er a King David. “A tal ngalek a mechell el kired! A ngalek el sechal a le beskid! . . . A klisichel el king a di mo merael el mo klou; ma rengedel a di mo blechoel el ngar a budech. Ng mo mengedereder el ua longingil a King David.”—Isaia 9:6, 7.
-
Milechell er a Bethlehem. “Bethlehem . . . , [ak mo] otebedii er kau a mo merreder . . . [A] re chad er a beluulchad el rokir a mo mengetukel er a klungel a chetengel.”—Mika 5:2, 4.
-
Mlutngakl e mlo okodall. “Kede ultubii e . . . ulekor er ngii el di ua lak le chad. . . . Ngii a mlechetechat el kngtid a uchul, ng mlechelebed el mekngit el de riruul a uchul.”—Isaia 53:3, 5.
-
Milekiis er a kodall e mukebkall. “Ng diak mchitak me kbor a belurir a re mla mad, ng diak mchitii a betik er a rengum me le bor iou er a datk. . . . A ngelsuim a uchul a deuil a renguk el mo cherechar.”—Psalm 16:10, 11.
A Jesus Kristus a Kot Lungil King
A doltirakl er a reksi, e ngdi ta el chad a rredemelel a kot lungil Merreder, e ngii el chad a Jesus Kristus. E a mera er ngii, a ta el anghel a dilu er a Maria el delal a Jesus el kmo: “A Rubak el Dios a mo rullii el mo king el ua uchelel er a David, . . . ma rengedel a mo diak a ulebengelel!”—Lukas 1:31-33.
A Jesus a dimlak a ta el bo lorreder er tia el chutem. Ngbai mo King er a Rengedel a Dios el ngar a eanged, e mengedereder er a klechad. Ngera uchul me ngkot lungil el Merreder? Ka molatk aike el tekoi el lurruul er a lengar tia el chutem.
-
Mateus 9:36; Markus 10:16) A ta el chebedes er a lolengit er ngii el kmo: “Chomko ng soam, e ng sebechem el kikidak,” e a Jesus a kmal mlo chubur me ngulemekungil er ngii.—Markus 1:40-42.
A Jesus a ulemekerreu er a rechad. Ngilsuterir a resechal me a redil, me a remeklou me a remekekerei, el dimlak lultuil er a kmo te chad er ker, me a lechub te merau me a lechub e te chebuul. ( -
A Jesus a ulsisecheklid er a rolel e kede odeuir a rengul a Dios. Ngdilu el kmo: “Ng diak a chad el sebechel el mo sibrir a re terul mastang.” Ngdirrek el dilu el kmo ngkired el meruul el mora rechad aike el soad a loruul el mei er kid. E ulechotii el kmo a Dios a diak di lesemeriar aike el doruul, e ngdirrek el soal mo medengei a ngar a rengud me a uldesued. Me a lsoad el oldeu er a rengul a Dios, e ngkired el mo ungil lomtebechel er a rengud. (Mateus 5:28; 6:24; 7:12) A Jesus a millisiich el kmo, ngmera el mo dmeu a rengud a lsekum kede mesuub el mo medengei a soal a Dios a doruul, e mo meruul.—Lukas 11:28.
-
A Jesus a ulsisecheklid el mo oubltikerreng. A tekingel me a omerellel a kmal ullechau a rengrir tirke lulerrenges er ngii. “A seked a kmal kilebetiekl er chosisecheklel, ele ngullisechakl el ua tang el olab a klisiich er chomerreder.” (Mateus 7:28, 29, BT) Ngulsisecheklterir el kmo: “Bo le betik a rengmiu er a re cherrouiu.” E milluluuch el kirir a rebebil el tir a mlo uchul a kodellel el kmo: “Chedam, mousubes a kngterir, ele tirka diak lodengei loruul.”—Mateus 5:44; Lukas 23:34.
Me a Jesus a kmal rredemelel a mo ungil Merreder, e le ngsoal lolengeseu e bekokuii. Engdi ngoingerang e ngomuchel el mengedereder?