“A Rengedem Le Mei”—Nglunguuch el Lomelekl er Ngii a Rebetok el Miliol
Ngmla ta el moluluuch lolengit me lemei a Rengedel a Dios? Ngar aika el mereko el betok el dart el rak, e a rebetok el miliol a meluluuch lomelekl aika el tekoi el kmo “A rengedem le mei.” Ngera uchul me te omelekl? E le Jesus a dilu er a rultirakl er ngii me bo loluluuch el kirel a Rengedel a Dios.
A kot, e a rultirakl er ngii a dimlak lodengei a rokui el tekoi el lulsaod el kirel a Renged. Me ngmle ta loker el kmo: “Rubak, ng chelecha e ke mo rullii a Israel el mo oba omengedereder?” Te locha kilebetiekl e le Jesus a dimlak louchais er tir er a temel. (Rellir 1:6, 7) Me tia ngbelkul a kmo ngdiak lsebeched el mo medengelii a Rengedel a Dios me a dirrek el temel el mei? Ngdiak leuaisei!
Tia el Ongkerongel a mo ngosukau el metik a nger er aika el beldukl el ker:
Ngera uchul me kede ousbech er a Rengedel a Dios?
Ngtechang a King er a Rengedel a Dios?
Ngoingerang e a Rengedel a Dios a mo mengedereder er a chutem?
Ngera ngmo mengetmokl a Rengedel a Dios?
Ngera uchul me ke melilt el mo olengeseu er a Rengedel a Dios?
Ngerang a Rengedel a Dios?
Nglocha Dirrek el Mo Soam
A ONGKERONGEL
A Nger Er Aike El Ker Er A Biblia
ESSENTIAL BIBLE TEACHINGS
Ngerang a Rengedel a Dios?
Sel taem er a omesiungel a Jesus er tia el chutem, e ngdi mle blechoel lolisechakl el kirel a Rengedel a Dios. Ngar er a chelsel aika el mereko el betok el rak, e a rultirakl er ngii a meluluuch me lemei ngii el Rengedel a Dios.
