Informashon di Ofisina i Tour
Bo ta kordialmente invitá pa tuma un tour di nos ofisina- i fasilidatnan di imprenta. Haña sa na unda i ki ta e orarionan di tour.
Merka
Riba e página aki
Hasi Reservashon pa Tour
Hasi un Reservashon—Menos ku 20 Hende
Hasi un Reservashon—20 moun oswa plis
Download un Foyeto di Tour—Warwick
Download un Foyeto di Tour—Patterson
Download un Foyeto di Tour—Wallkill
Eksposishon
Eksposishon di Warwick Self-Guided
Beibel i e Nòmber Divino. E eksposishon aki ta presentá Beibelnan spesial i ta resaltá kon e nòmber di Dios a keda preservá den e Skritura apesar di esfuersonan pa kit’é. E eksposishon ta inkluí tambe un galeria, ku ta kontené Beibelnan spesial adishonal i artefaktonan relashoná ku Beibel.
Un Pueblo pa e Nòmber di Yehova. E eksposishon aki ta pèrkurá un historia visual dje herensia spiritual di Testigunan di Yehova. Artefaktonan, plachinan i relatonan di hende ta mustra kon gradualmente Yehova a guia, siña i organisá su pueblo pa hasi su boluntat.
Sede Mundial—Fe den Akshon. E eksposishon interaktivo akí ta splika e trabou di e komiténan di Kuerpo Gobernante i kon nan ta yuda Testigunan di Yehova sigui e instrukshonnan bíbliko pa reuní huntu, pa hasi disipel, pa tuma kuminda spiritual i pa mustra amor na otro.
Patterson Self-Guided Tour.
Pueblo Bíbliko di Promé Siglo. Bo a yega di puntra bo mes kon bida tabata ora Hesus a kana riba tera? Den e pueblito bíbliko, lo bo opservá, i asta partisipá den, aktividatnan di tur dia di un pueblito di promé siglo. E eksposishon aki por yuda bo ku bo lesamentu di Beibel.
Monedanan di Beibel di Promé Siglo. E eksposishon akí ta eksponé un selekshon di monedanan original di promé siglo menshoná den e Skritura Griego Kristian. E pantayanan ta resaltá detayenan interesante tokante kada moneda i ta splika kon nan ta relashoná ku relatonan bíbliko.
“Tur Bo Yunan Lo Ser Siñá dor di Yehova.” E eksposishon aki ta splika e historia di nos organisashon su skolnan i programanan di entrenamentu. Siña kon e skolnan akí a yuda algun bira maestro i ansiano di kongregashon.
“Defendiendo i Establesiendo Legalmente e Bon Notisia.” E eksposishon aki ta kompartí historianan konmovedor di Testigunan di Yehova ku no a komprometé nan fe, asta den kara di oposishon poderoso. Wak kiko nos organisashon a hasi pa establesé e base legal pa nos trabou di prediká rònt mundu.