Hasi Reservashon pa Tour
Ta nesesario pa hasi un reservashon? Sí. Pa evitá ku muchu hende ta bini pareu i pa hasi sigur ku tur hende ta disfrutá di nan tour, nos ta pidi tur hende ku ta bini pa un tour, sea ku e grupo ta chikitu òf grandi, pa hasi un reservashon promé ku nan bini.
Ta posibel pa hasi un tour si bo no tin un reservashon? Si bo no tin un reservashon, kisas lo bo no por hasi un tour. Debí na espasio, ta solamente un kantidat limitá di persona por hasi un tour kada dia.
Ki ora bo mester yega pa hasi bo tour? Pa hasi sigur ku bo tour ta kuminsá na tempu, por fabor yega por lo ménos 30 minüt promé.
Kon bo por hasi un reservashon? Klek riba “Hasi un Reservashon.”
Ta posibel pa kambia òf kanselá un reservashon? Sí. Klek riba “Wak òf Kambia Bo Reservashon.”
Kiko bo por hasi si no tin tour disponibel riba e fecha ku bo ta preferá? Sigui wak riba e website. E fecha por bira disponibel atrobe si hende kambia òf kanselá nan reservashon.
Hasi un Reservashon
Wak òf Kambia Bo Reservashon
Download un Foyeto di Tour
Eksposishon
Beibel—E Buki i Su Outor. E eksposishon aki ta duna e Outor di Beibel, Yehova Dios, e onor ku e meresé i ta resaltá e tema prinsipal di Beibel: E Reino di Dios. Bishitantenan por mira kon Beibel a sobrebibí te den nos tempu i kon Yehova a konserbá su mensahe original apesar di e esfuersonan di opositornan ku a purba kambi’é.
“Esaki Ta e Herensia di e Sirbidónan di Yehova.” E eksposishon akí ta mustra kon Yehova a bendishoná e trabou di prediká e Reino na Brazil pa mas ku 120 aña. Bishitantenan por mira investigashon históriko ku a deskubrí informashon nobo tokante e komienso i kresementu di e trabou na Brazil apesar di oposishon i persekushon.
Adrès i Telefòn
Rodovia SP-141, km 43
CESÁRIO LANGE - SP
18285-901
BRASIL
+55 15 3322 9000
Kon pa Yega
