ଆଜି ଯିହୋବାଙ୍କ ସଂଗଠନରେ ଆଗ ଅପେକ୍ଷା କାହିଁ କେତେ ଅଧିକ ବୃଦ୍ଧି ଦେଖିବାକୁ ମିଳୁଛି, ଠିକ୍‌ ଯେପରି ଯିଶାଇୟ ଭବିଷ୍ୟତବାଣୀ କରିଥିଲେ । (ଯିଶା ୫୪:୨) ତେଣୁ ଆହୁରି ରାଜ୍ୟଘର, ସମ୍ମିଳନୀ ଭବନ ଓ ଶାଖା କାର୍ଯ୍ୟାଳୟଗୁଡ଼ିକର ନିର୍ମାଣ କରିବାର ଆବଶ୍ୟକତା ରହିଛି । ନିର୍ମାଣ ପରେ ମଝି ମଝିରେ ଏଗୁଡ଼ିକର ରକ୍ଷଣାବେକ୍ଷଣ ଓ ମରାମତି କରିବାକୁ ହୁଏ । ଆପଣ କିପରି ଭାବେ ଏହି କାମଗୁଡ଼ିକରେ ସହଯୋଗ କରିପାରିବେ ?

• ଯେତେବେଳେ ଆପଣଙ୍କ ପ୍ରଚାର ସମୂହର ରାଜ୍ୟଘର ସଫାସୁତୁରା କରିବାର ପାଳି ଆସେ, ସେତେବେଳେ ଆପଣ ସେଥିରେ ଭାଗ ନେଇପାରିବେ

• ଆପଣ ପ୍ରାଚୀନମାନଙ୍କୁ ଜଣାଇପାରିବେ ଯେ ଆପଣ ରାଜ୍ୟଘରର ରକ୍ଷଣାବେକ୍ଷଣର ତାଲିମ ନେବାକୁ ଚାହାନ୍ତି

• ଆପଣ ସ୍ଥାନୀୟ ଯୋଜନା ଓ ନିର୍ମାଣ କାମର ଫର୍ମ (DC-50) ଭରିପାରିବେ । ଏପରି କରି ଆପଣ ସମୟ ସମୟରେ ଆପଣଙ୍କ ଅଞ୍ଚଳରେ ହେଉଥିବା ନିର୍ମାଣ କାମରେ ସହଯୋଗ କରିପାରିବେ

• ଆପଣ ସ୍ୱେଚ୍ଛାସେବା କାର୍ଯ୍ୟକ୍ରମର ଫର୍ମ (A-19) ଭରିପାରିବେ । ଏପରି କରି ଆପଣ ଗୋଟିଏ ସପ୍ତାହ କିମ୍ବା ତାʼଠାରୁ ଅଧିକ ସମୟ ପାଇଁ ଶାଖା କାର୍ଯ୍ୟାଳୟରେ କାମ କରିପାରିବେ

ଏକ ନୂଆ ପ୍ରୋଜେକ୍ଟର ପ୍ରସ୍ତୁତି ପାଇଁ ଆଗକୁ ଆସନ୍ତୁ—ଉଦ୍ଧୃତାଂଶ (ହିନ୍ଦୀ) ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ୨୦୧୪ ମସିହାରୁ ସଂଗଠନ କିପରି ଭାବେ ଭିଡିଓଗୁଡ଼ିକର ଅଧିକ ବ୍ୟବହାର କରୁଛି ?

• ଆଜି ସଂଗଠନ ଆଗ ଅପେକ୍ଷା ଅଧିକ ଭିଡିଓଗୁଡ଼ିକ ପ୍ରସ୍ତୁତ କରୁଛି । ଏହାକୁ ଦୃଷ୍ଟିରେ ରଖି କେଉଁ ପ୍ରୋଜେକ୍ଟର ପ୍ରସ୍ତୁତି ଚାଲିଛି ଏବଂ ଏହାର ନିର୍ମାଣ କେବେ ପର୍ଯ୍ୟନ୍ତ ସମ୍ପୂର୍ଣ୍ଣ ହେବ ?

• ସ୍ୱେଚ୍ଛାସେବକମାନେ ଏହି ପ୍ରୋଜେକ୍ଟରେ କିପରି ସହଯୋଗ କରିପାରିବେ ?

• ଯଦି ଆପଣ ଆମେରିକା ଶାଖା କାର୍ଯ୍ୟାଳୟର ଅଧୀନରେ ଥିବା ଅଞ୍ଚଳରେ ରହନ୍ତି ଏବଂ ରାମାପୋ ପ୍ରୋଜେକ୍ଟରେ ସହଯୋଗ କରିବାକୁ ଚାହାନ୍ତି, ତେବେ (DC-50) ଫର୍ମ କାହିଁକି ଭରିବା ଉଚିତ୍‌ ଏବଂ ଆପଣଙ୍କ ଅଞ୍ଚଳରେ ହେଉଥିବା ନିର୍ମାଣ କାମରେ କାହିଁକି ସହଯୋଗ କରିବା ଉଚିତ୍‌ ?

• ଏହାର କʼଣ ପ୍ରମାଣ ରହିଛି ଯେ ଯିହୋବା ଏହି ପ୍ରୋଜେକ୍ଟରେ ମାର୍ଗଦର୍ଶନ ଦେଉଛନ୍ତି ?

• ଯଦି ଆପଣ ଏହି ପ୍ରୋଜେକ୍ଟର ନିର୍ମାଣ କାମରେ ଭାଗ ନେଇପାରିବେ ନାହିଁ, ତଥାପି ଏଥିରେ କିପରି ସହଯୋଗ କରିପାରିବେ ?